«Šok i abureńnie. Mama siadzić, płača». Siastra Ramana Bandarenki prakamientavała prypynieńnie spravy ab zabojstvie brata
Hienprakuratura 17 vieraśnia aficyjna paviedamiła, što spravu ab zabojstvie Ramana Bandarenki prypyniajuć, bo nie mohuć vyznačyć asobu, datyčnuju da złačynstva. Volha Kučarenka, siastra Ramana, prakamientavała paviedamleńnie prakuratury dla «Našaj Nivy».
«My ŭčora pračytali, što spravu prypynili, ale pakul heta nie mieła aficyjnaha paćvierdžańnia, to siamja nie chacieła kamientavać. Bo ŭsio ž spadziavalisia, što heta niejkaje nieparazumieńnie, fejk, — kaža Volha. — Z nami nichto nie źviazvaŭsia, ź lutaha nijakich kantaktaŭ z Hienprakuraturaj ci inšymi orhanami ŭ nas nie było. Jany nie vychodzili z nami na suviaź. Maci Romy nakiroŭvała zapyty z prośbaj pradastavić źviestki ekśpiertyz, pravieryć źlityja aŭdyjazapisy, dzie hučać hałasy «padobnyja da Baskava i Ejsmant», ale ŭ adkaz atrymlivała admovy.
I siońnia ranicaj my ŭbačyli aficyjnuju zajavu Hienprakuratury. Mama siadzić, płača. Ja siońnia nie spała da 5 ranicy, bo niervavałasia i spadziavałasia, što heta pamyłka.
Ale ciapier u nas prosta šok i abureńnie, bo ja nie razumieju, što tady rabiłasia hetyja miesiacy. Zamiest taho, kab sabrać infarmacyju pa haračych śladach, try miesiacy išła pravierka.
A kali ŭžo zaviali spravu, to viedaju, što dapytvali ludziej, u jakich pytalisia, ci nie pachła ad Romy ałkaholem, ci vypivaŭ jon uvohule, ci jon kaliści pavodziŭ siabie ahresiŭna… Składvałasia ŭražańnie, što šukajuć nie zabojcaŭ, a dokazy taho, što vinavaty jon sam.
Pry tym ža była ŭ internecie roznaja infarmacyja. Ci praviarali tyja źlityja zvanki? Bilinhi?
Ale ja aptymistyčna na ŭsio hladžu i ŭpeŭnienaja, što tych, chto heta zrabiŭ, pakarajuć. Tut pytańnie času i ŭmoŭ, pry jakich heta adbudziecca. Nie vyklučaju, što situacyja moža paviarnucca nastolki, što navat pry siońniašniaj sistemie heta moža adbycca.
Taksama chacieła b skazać vialiki dziakuj usim ludziam, prostym biełarusam, jakija pakazvajuć, što jany nie zabyli, pamiatajuć, padtrymlivajuć nas na praciahu ŭsiaho času. Dziakujučy hetaj padtrymcy my i zmahli niejak heta ŭsio pieražyć.
Usim astatnim dziakavać nie asabliva chočacca. Chaj lepš pačnuć vykonvać svaju pracu tak, jak heta naležyć pa zakonie».
Prypynili kryminalnuju spravu Bandarenki. Hienprakuratura nie moža znajści, chto jaho źbiŭ da śmierci
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona11
Kamientary