Łukašenka ŭznaharodziŭ Bresckuju krepaść ordenam Francyska Skaryny
Alaksandr Łukašenka padpisaŭ ukaz ab uznaharodžańni ordenam Francyska Skaryny Bresckaj krepaści. «Za značnyja dasiahnieńni ŭ zachavańni histaryčnaj spadčyny, uviekaviečvańni pamiaci ŭdzielnikaŭ VAV, patryjatyčnym vychavańni, a taksama ŭ suviazi z 50-hodździem z dnia zasnavańnia miemaryjalnaha kompleksu», — paviedamlaje pres-słužba.
Upieršyniu ŭ historyi ordena jaho atrymała nie fizičnaja asoba za ŭniosak u kulturu Biełarusi, a miemaryjalny pomnik. Uznaharoda była zasnavana ŭ 1995 hodzie i prysudžajecca za ŭkład u raźvićcio biełaruskaj kultury, za humanitarnuju, dabračynnuju dziejnaść. Za ŭsiu historyju isnavańnia orden atrymali 236 asob, siarod ich, što praŭda, jość pradstaŭniki rasijskaj estrady: Filip Kirkoraŭ, Viktar Drobyš, Nadzieja Babkina, Mikałaj Baskaŭ, rasijski palityk Valancina Matvijenka.
Łukašenka: U 2020 hodzie kala Pałaca Niezaležnaści nie pakistancy biehali20
Kamientary