Hramadstva

Dumajecie, kolkaść piensijanieraŭ u Biełarusi raście? Jana žachliva padaje

Piensijnaja reforma i, vidać, karanavirus dali svoj vynik. Jak ułady ni chavajuć ličby pa śmiarotnaści, tyja ŭsio roŭna praz «čorny chod» vyłaziać.

Kolkaść piensijanieraŭ u krainie rasła da 2016 hoda. Ułady dumali, što z hetym rabić. Łukašenka nie raz abiacaŭ, što padvyšać piensijny ŭzrost nie budzie, ale z 2017 hoda ŭłady pačali piensijnuju reformu. Jana jakraz zaklučałasia ŭ hetym prostym rašeńni: kožny hod z 2017 da 2022-ha ŭklučna piensijny ŭzrost raście na paŭhoda. Pa jaje skančeńni žančyny stanuć vychodzić na piensiju ŭ 58 hod, mužčyny — u 63.

Takim čynam ułady imknulisia palehčyć nahruzku na piensijny fond. I ŭ ich heta atrymałasia.

Za 2017 hod kolkaść piensijanieraŭ źniziłasia na 25,6 tysiačy piensijanieraŭ, za 2018 hod — na 32,6 tysiačy, u 2019 — na 29,2 tysiačy, zhodna ź Biełstatam.

Kolkaść piensijanieraŭ, jakija stajać na ŭliku ŭ orhanach pa pracy, zaniataści i sacyjalnaj abaronie (na kaniec hoda, tysiač čałaviek). Hrafika: Biełstat

Ale ŭ 2020 i 2021 hodzie kolkaść «źnikłych» piensijanieraŭ vyrasła anamalna.

Za 2020 hod ich stała mienš na 46,1 tysiačy.

A tolki za 8 miesiacaŭ 2021 hoda — na 60,5 tysiačy mienš. Takimi tempami za 2021 hod Biełaruś moža nie daličycca 90 tysiač piensijanieraŭ. A kali ŭličyć čaćviortuju chvalu i «deltu», to moža być i horš. Heta my pabačym pa vynikach hoda, chacia całkam mahčyma, što Biełstat prosta zakryje i hetyja źviestki.

Kali b kolkaść piensijanieraŭ skaračałasia tempami 2017-2019 dakaranavirusnych hadoŭ, to Biełaruś za 2020 — žnivień 2021 hoda nie daličyłasia b kala 44 tysiač piensijanieraŭ.

Ale za niapoŭnyja dva hady — 2020 hod i 8 miesiacaŭ 2021-ha — aficyjna, zhodna ź Biełstatam, užo «źnikli» 106,6 tysiačy.

To-bok 60 tysiač čałaviek nie ŭpisvajucca ŭ tendencyi minułych hadoŭ reformy i adnoju joju nie mohuć być rastłumačany.

Mahčyma, jość i niejkija inšyja abstaviny (demahrafičnyja, naprykład), ale možna zrabić zdahadku, što bolšaść z 60 tysiač pamierli ad karanavirusa i jaho nastupstvaŭ.

60 tysiač — heta prykładna jak Žodzina abo Słonim z rajonam.

U žniŭni 2021 hoda ŭ krainie było 2425,3 tysiačy piensijanieraŭ — mieniej, čym u dareformiennym 2010 hodzie.

 Čytajcie taksama: U stacyjanarach krainy ŭ 2020 hodzie pamierła na 40% bolš pacyjentaŭ, čym u 2019 hodzie

Kamientary

Ciapier čytajuć

U šaści biełaruskich haradach Biełarusi pačałasia epidemija reśpiratornych infiekcyj. A jakaja situacyja ŭ cełym?

U šaści biełaruskich haradach Biełarusi pačałasia epidemija reśpiratornych infiekcyj. A jakaja situacyja ŭ cełym?

Usie naviny →
Usie naviny

U Minsku za apošnija sutki vypali dźvie traciny miesiačnaj normy apadkaŭ2

Razam z prapahandystam Fiedarčakom zahinuli jašče dva pradstaŭniki rasijskich ŚMI9

Błohier Vadimati raśpisaŭsia anłajn sa svaim partnioram, ź jakim razam užo bolš za 10 hadoŭ14

Rasija na pieramovach u Saudaŭskaj Aravii patrabuje ŭsiu terytoryju čatyroch ukrainskich abłaściej21

U «Minsk-Śviecie» vyrašyli pytańnie z apłataj za šyldy na damach

Daradca Trampa pa nacbiaśpiecy vypadkova dadaŭ žurnalista ŭ sakretny čat u Signal. Raskrytyja miechanizmy pryniaćcia rašeńniaŭ17

Tramp: Na pieramovach u Er-Ryjadzie abmiarkoŭvajucca terytaryjalnyja pytańni i vałodańnie AES7

U Biełarusi narešcie źjaviacca elektronnyja recepty i balničnyja. Prajekt zatrymaŭsia na try hady z-za sankcyj1

Va Ukrainie zahinuŭ prapahandyst z rasijskich «Iźviestij»4

bolš čytanych navin
bolš łajkanych navin

U šaści biełaruskich haradach Biełarusi pačałasia epidemija reśpiratornych infiekcyj. A jakaja situacyja ŭ cełym?

U šaści biełaruskich haradach Biełarusi pačałasia epidemija reśpiratornych infiekcyj. A jakaja situacyja ŭ cełym?

Hałoŭnaje
Usie naviny →

Zaŭvaha:

 

 

 

 

Zakryć Paviedamić