Siarhiej Cichanoŭski ličyć, što jaho prysudziać da 15 hadoŭ pazbaŭleńnia voli
Pra heta jon napisaŭ u liście ad 10 kastryčnika, kopija jakoha jość u BiełaPAN.
Siarhiej Cichanoŭski napisaŭ: «Piša tabie kiraŭnik «bandy», jakomu pahražaje kala 15 hadoŭ. Maje złačynstvy žudasnyja, ja złačynna-sumlenny, złačynna spačuvaŭ ludziam, złačynna-dobry. Maje dziejańni spravakavali inšych «bandytaŭ», što vyklikała sotni kryminalnych spraŭ i dziasiatki tysiač administracyjnych. […] Hetyja dziejańni pryčynili škodu na 3,6 miljona rubloŭ. Tyja 900 tysiač dalaraŭ, jakija znajšli ŭ domie ŭ maci, mnie nie pradjavili [na sudzie]. A prosta zabiaruć u košt škody».
«Dzie ja byŭ roŭna hod tamu, 10 kastryčnika?» — napisaŭ Cichanoŭski, mahčyma, majučy na ŭvazie sustreču ŭ hety dzień palitviaźniaŭ z Alaksandram Łukašenkam u SIZA KDB.
U kancy kastryčnika ŭ Homieli čakajecca vyniasieńnie prysudu błohieram Siarhieju Cichanoŭskamu, Uładzimiru Cyhanoviču, Iharu Łosiku, apierataru Arciomu Sakovu, maderataru sacsietak Dźmitryju Papovu, palityku Mikałaju Statkieviču. Sud na imi pačaŭsia ŭ kancy červienia.
Sam Siarhiej Cichanoŭski byŭ zatrymany 29 maja 2020 hoda ŭ Hrodnie.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary