«Heta hałaŭny bol dla ŭrada»: daradca prezidenta Litvy vykazałasia nakont situacyi vakoł «Biełaruśkalija»
Litva mieła dastatkova času, kab zrazumieć, jak z najmienšymi stratami realizavać uviedzienyja ZŠA sankcyi ŭ dačynieńni da «Biełaruśkalija». Litoŭskija kampanii i ŭrad pavinny abjadnacca i vyrašyć situacyju, ličyć daradca prezidenta krainy Asta Skajshirycie.
Jak zajaviła jana ŭ čaćvier u efiry nacyjanalnaha radyjo LRT, adkaznaść za situacyju pavinny ŭziać na siabie kampanii i ŭrad, ale, ź inšaha boku, «nie varta tykać palcami, lepš vyrašać situacyju».
«Było b niapravilna sprabavać pakazvać palcam na ministraŭ, nam treba abjadnacca i pahladzieć, jak vyrašyć situacyju, pahladzieć, što my možam zrabić, kab sajuźniki byli zadavolenyja i kab našy straty byli najmienšymi», — skazała jana.
Skajshirycie nahadała, što sankcyi ZŠA ŭ dačynieńni da «Biełaruśkalija» byli pryniatyja dosyć daŭno, kab da taho momantu, jak 8 śniežnia jany nabuduć moc, va ŭsich byŭ čas padrychtavacca i vyśvietlić, jak ich realizavać z najmienšaj škodaj.
«Heta hałaŭny bol dla ŭrada Litvy, i varta spadziavacca, što byli zroblenyja ŭsie mahčymyja dziejańni dla źmiakčeńnia nastupstvaŭ, bo čas dla padrychtoŭki byŭ, i ŭsia hetaja ciapierašniaja šumicha, što jany nibyta nie vykonvajucca, — heta vielmi drenna», — adznačyła jana.
Raniej ministr zamiežnych spraŭ Habryelus Łandśbierhis i ministr transpartu Maryjus Skuodzis zajavili, što hatovyja padać u adstaŭku z-za situacyi vakoł pastavak biełaruskaha kaliju praz Kłajpiedu.
«Naniesienaja reputacyjnaja škoda»: kiraŭnik MZS Litvy zajaviŭ, što sydzie ŭ adstaŭku praź biełaruski kalij
Hruzy «Biełaruśkalija» ŭ Kłajpiedu buduć pastaŭlacca jak minimum da kanca śniežnia
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym5
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary