«U Biełarusi mnie padabajecca nastolki, što tut ja hatovy siadzieć u turmie». Ihar Bancar ‒ na voli
Rok-muzyka Ihar Bancar, asudžany na paŭtara hoda «chimii», 17 śniežnia vyjšaŭ na volu. Z 25 listapada palitviaźnia 22 dni ŭtrymlivali ŭ karcary. Jaho sustreła «Svaboda».
Paśla vyzvaleńnia Bancar skazaŭ, što nie ličyć siabie vinavatym i ni pra što nie škaduje:
«Mnie prapanoŭvali pisać list, prasić pamiłavańnia. Ja nie pahadziŭsia. Pra što? Ja ničoha nie parušaŭ, ja liču siabie nievinavatym čałaviekam. Ja zastajusia ŭ hetaj krainie, i kali ja paciarpieŭ za svaju ideju, nu što zrobiš? Ja budu tut tryvać dalej.
Źjaždžać? Ja ciapier mahu skazać, što ŭ mianie słaboje zdaroŭje, što ja pajedu lačycca dzie-niebudź u paŭdniovych krainach. Absalutna hetaha nie budzie. Ja pajdu lačycca ŭ biełaruskuju biaspłatnuju miedycynu, na jakuju ja kłaŭ hrošy, jak hramadzianin i padatkapłacielščyk.
A kali pryjdziecca znoŭ za svaje ideały paciarpieć, nu što ž, budziem siadzieć. U Biełarusi mnie padabajecca nastolki, što tut ja hatovy siadzieć u turmie».
Bancar spadziajecca sustreć Kalady i Novy hod z rodnymi.
Za kratami Ihar dvojčy trymaŭ praciahłyja haładoŭki: 16 dzion bieź ježy i vady sioleta ŭ sakaviku, 19 dzion na vadzie ŭletku. Heta mocna pahoršyła jaho zdaroŭje. Da taho ž, paśla vychadu z hrodzienskaj turmy ŭ jaho vyjavili hiepatyt S.
Bancara sudzili za pierformans ‒ taniec biez štanoŭ pierad mašynaj milicyi (č. 1 art. 339 Kryminalnaha kodeksa). 19 sakavika muzyku prysudzili 1,5 hoda «chimii».
Jon adbyvaŭ pakarańnie ŭ Viciebsku.
-
«Ličyŭ, što tak dapamahu ŭkraincam». 18-hadovy eks-palitviazień Kiryła Bałachonaŭ raskazvaje, jak zmahaŭsia z rasijskim našeściem praz TikTok i Telegram
-
Aŭtaru miema pra «samyja sučasnyja trafiki» znajšli novuju pasadu
-
«Da banka jość pytańni». Biełarus pravieryŭ układ, adkryty 17 hadoŭ tamu na dzicia, — što pajšło nie tak?
Ciapier čytajuć
Biełarus zdymaje videa, jak kradzie adzieńnie i padroblivaje dakumienty ŭ Polščy. A jak zapachła smažanym, to kaža: usio dziela łajkaŭ1
Biełarus zdymaje videa, jak kradzie adzieńnie i padroblivaje dakumienty ŭ Polščy. A jak zapachła smažanym, to kaža: usio dziela łajkaŭ
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1919
Kamientary