«У Беларусі мне падабаецца настолькі, што тут я гатовы сядзець у турме». Ігар Банцар ‒ на волі
Рок-музыка Ігар Банцар, асуджаны на паўтара года «хіміі», 17 снежня выйшаў на волю. З 25 лістапада палітвязня 22 дні ўтрымлівалі ў карцары. Яго сустрэла «Свабода».
Пасля вызвалення Банцар сказаў, што не лічыць сябе вінаватым і ні пра што не шкадуе:
«Мне прапаноўвалі пісаць ліст, прасіць памілавання. Я не пагадзіўся. Пра што? Я нічога не парушаў, я лічу сябе невінаватым чалавекам. Я застаюся ў гэтай краіне, і калі я пацярпеў за сваю ідэю, ну што зробіш? Я буду тут трываць далей.
З'яжджаць? Я цяпер магу сказаць, што ў мяне слабое здароўе, што я паеду лячыцца дзе-небудзь у паўднёвых краінах. Абсалютна гэтага не будзе. Я пайду лячыцца ў беларускую бясплатную медыцыну, на якую я клаў грошы, як грамадзянін і падаткаплацельшчык.
А калі прыйдзецца зноў за свае ідэалы пацярпець, ну што ж, будзем сядзець. У Беларусі мне падабаецца настолькі, што тут я гатовы сядзець у турме».
Банцар спадзяецца сустрэць Каляды і Новы год з роднымі.
За кратамі Ігар двойчы трымаў працяглыя галадоўкі: 16 дзён без ежы і вады сёлета ў сакавіку, 19 дзён на вадзе ўлетку. Гэта моцна пагоршыла яго здароўе. Да таго ж, пасля выхаду з гродзенскай турмы ў яго выявілі гепатыт С.
Банцара судзілі за перформанс ‒ танец без штаноў перад машынай міліцыі (ч. 1 арт. 339 Крымінальнага кодэкса). 19 сакавіка музыку прысудзілі 1,5 года «хіміі».
Ён адбываў пакаранне ў Віцебску.
-
«Спачатку падумаў, што сабака». У Бягомлі ноччу па дварах бегаў мядзведзь ВІДЭА
-
«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву
-
Скакалі з 4 метраў: літоўскія памежнікі паказалі, як пакістанцы і афганцы прарываюцца з Беларусі ў Літву ВІДЭА
Цяпер чытаюць
«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву4
«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары