MUS Biełarusi paćvierdziła zatrymańnie siabroŭ Źmitra Uschopava za narkotyki
Raniej Śledčy kamitet zajaŭlaŭ, što ŭ pamierłaha ŭ navahodniuju noč paśla zatrymańnia milicyjaj žychara Rečycy Źmitra Uschopava znajšli pakiecik z marychuanaj. U suviazi z hetym była zaviedzienaja kryminalnaja sprava pa narkatyčnym artykule 328.
«Supracoŭniki milicyi sumiesna sa śledčymi ŭstanavili dačynieńnie znajomych pamierłaha da niezakonnaha abarotu narkotykaŭ», — havorycca ŭ zajavie MUS, apublikavanaj 4 studzienia ŭ aficyjnym kanale.
Paviedamlajecca, što ŭ haražy i doma ŭ dvuch siabroŭ Uschopava 27 i 28 hadoŭ znajšli prykładna kiłahram marychuany. Narkotyk nibyta byŭ u pakietach i inšych jomistaściach.
Maładyja ludzi zatrymanyja, ich imiony nie nazyvajucca.
Pravaabaroncam 4 studzienia stała viadoma pra jak minimum čaćviarych zatrymanych u Rečycy blizkich siabroŭ Źmiciera Uschopava. Heta Alaksiej i Hanna Davydkovy, Alaksandr Snapkoŭ dy Illa Brakarenka.
Ich čakali ŭ hety dzień na pachavańni, u tym liku dla dapamohi. Ale ranicaj jany nie vyjšli na suviaź.
Jak daviedałasia «Naša Niva», zatrymali siabroŭ Uschopava učora ŭviečary, 3 studzienia. Maładyja ludzi stajali la padjezda, dzie žyŭ Źmicier Uschopaŭ. Alaksandra i Illu tam i ŭziali. Alaksiej syšoŭ raniej sustrakać žonku Hannu, dzie mienavita ich zatrymali — nieviadoma. U pary dvoje maleńkich dziaciej.
Čytajcie taksama: Śledčy kamitet ahučyŭ detali ekśpiertyzy pa spravie Uschopava. Ale jany nie tłumačać pryčyny śmierci
«Nakolki možna skazać pa kolery — paškodžańni śviežyja». Što kažuć sudmiedekśpierty pra śmierć mužčyny z Rečycy
Źjaviłasia videa, jak Uschopaŭ sam zachodzić u RAUS. Praź dźvie hadziny jon budzie miortvy
U Rečycy ŭ navahodniuju noč pamior zatrymany milicyjantami mužčyna. Svajaki: Jaho da śmierci źbili ŭ RAUSie
«Mis Biełaruś» usio bolš nahadvaje konkurs pryhažości ŭ haremie23
Kamientary