Hramadstva

Rasśledavalniki vypuścili novy film pra śmierć Vitolda Ašurka

Aŭtary rasśledavańnia — «Aljans rasśledavalnikaŭ Biełarusi» sumiesna z «Kibierpartyzanami». Jany prychodziać da vysnovy, što śmierć Vitolda Ašurka ŭ škłoŭskaj kałonii ŭ traŭni 2021 hoda była hvałtoŭnaj, a adkaznyja za śmierć administracyja kałonii № 17 i miedpiersanał.

Vitold Ašurak. Fota Volhi Bykoŭskaj.

Rasśledavalniki nazyvajuć imiony tych, chto niasie adkaznaść za śmierć Ašurka. Heta nie tolki supracoŭniki kałonii, ale i tyja, chto nieabhruntavana zatrymoŭvaŭ Vitolda Ašurka, falsifikavaŭ dokazy, vynosiŭ niespraviadlivy prysud.

Aŭtary adznačajuć, što padčas etapavańnia z hrodzienskaj turmy ŭ škłoŭskuju kałoniju Ašurak byŭ zdarovy, ale za čas karantynu i znachodžańnia ŭ štrafnym izalatary jaho daviali da źniasilenaha stanu.

Sudmiedekśpiert z bolš jak 10-hadovym stažam Nadzieja Hurmančuk vierahodnaj pryčynaj śmierci nazvała čerapna-mazhavuju traŭmu. Cieła było vydadziena rodnym z šmatlikimi pryžyćciovymi paškodžańniami, u tym liku i traŭmaj hałavy, jakuju Vitold atrymaŭ padčas padzieńnia.

Imaviernymi pryčynami padzieńnia Vitolda (hetyja kadry demanstravała MUS) Hurmančuk nazvała uździejańnie preparataŭ, ahulnaje źniasileńnie arhanizma z pryčyny pazbaŭleńnia ježy i snu, a taksama katavańni.

Pavodle Hurmančuk, Ašurak zastaŭsia b žyvym, kali b atrymaŭ svoječasovuju miedycynskuju dapamohu. 

Na dumku daśledčykaŭ kryminalnaja sprava pavinna być zaviedzienaja pa artykule 139 KK RB «Zabojstva».

Aŭtary rasśledavańnia taksama ličać, što ŭ dziejańniach supracoŭnikaŭ PK utrymlivajucca prykmiety złačynstva, praduhledžanaha artykułam 128 KK RB «Złačynstvy suprać čałaviectva», pa jakim niama terminu daŭniny.

Adsutnaść aficyjnaj viersii padziej, vynikaŭ ekśpiertyz, a taksama dziejańni administracyi PK-17 jany rasceńvajuć jak dadatkovaje paćviardžeńnie vysnoŭ rasśledavańnia. Va ŭładaŭ jość poŭnaja karcina taho, što adbyłosia, ale dahetul nichto nie panios pakarańnia. Kryminalnaja sprava pa fakcie śmierci Vitolda Ašurka nie ŭzbudžanaja.

U studzieni 2021 hoda Vitold Ašurak byŭ asudžany na 5 hadoŭ kałonii pavodle artykuła 342 KK (arhanizacyja dziejańniaŭ, jakija hruba parušajuć hramadski paradak). A 21 traŭnia 50-hadovy aktyvist Partyi BNF niečakana pamior u škłoŭskaj papraŭčaj kałonii №17. Jaho raptoŭnaja śmierć vyklikała šmat pytańniaŭ i zdahadak.

«Aljans rasśledavalnikaŭ Biełarusi» abviaściŭ, što sumiesna z «Kibierpartyzanami» pačynaje sieryju rasśledavańniaŭ ab pienietencyjarnaj sistemie Biełarusi. Jany chočuć pakazać, što vypadak ź biarozaŭskim aktyvistam ‒ heta nie trahičnaja vypadkovaść, a sistema, i usie jaje udzielniki pavinny nieści adkaznaść, «a nie atrymlivać asałodu ad usieŭładździa i biespakaranaści».

Čytajcie taksama:

«Hałoŭnaje pytańnie: što vy ź im zrabili, sa zdarovym čałaviekam?» Brat Vitolda Ašurka — pra dva miesiacy bieź jaho

Źjaviłasia videa śmierci Ašurka. Palitviaźnia trymali ŭ ŠIZA

«Mianie pasadzili, bo ja kazaŭ praŭdu». Što Vitold Ašurak napisaŭ u apošnim liście da mamy

«I kali vy budziecie mianie chavać, nakryjcie mianie maim ściaham». Ašurka pachavali pad nacyjanalnym bieł-čyrvona-biełym ściaham

Kamientary

Ciapier čytajuć

Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili30

Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili

Usie naviny →
Usie naviny

«Ekstremisckim farmavańniem» pryznali BSDP «Hramada»1

Što pravakuje rak i čamu ankałohija maładzieje1

Kitaj źnizić na 24 pracentnyja punkty pošliny na tavary z ZŠA na 90 dzion

Rybak patanuŭ u aŭtamabili ŭ Mazyrskim rajonie, druhi paśpieŭ vybracca1

Pasažyry buduć viedać košt pajezdki ŭ taksi da jaje pačatku?2

U Biełarusi druhi miesiac zapar padajuć prodažy novych aŭto. Čamu tak adbyvajecca2

Alaksandr Knyrovič vyłučajecca ŭ śpikiery Kaardynacyjnaj rady10

Zialenski 15 maja prylacić u Stambuł, navat kali Rasija admovicca ad spynieńnia ahniu1

Pahladzieli, kolki prosiać za arendu lecišča niedaloka ad Minska. Jość varyjanty ad 250 rubloŭ za miesiac6

bolš čytanych navin
bolš łajkanych navin

Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili30

Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili

Hałoŭnaje
Usie naviny →

Zaŭvaha:

 

 

 

 

Zakryć Paviedamić