Kolkaść vypadkaŭ kavidu, vyklikanaha štamam amikron, pajšła na źnižeńnie. Adnak chutka raspaŭsiudžvajecca pa śviecie jaho padvid, tak zvany stełs-amikron, i heta prymušaje miedykaŭ chvalavacca.
Stełs-amikron, jaki navukoŭcy viedajuć pad nazvaj BA.2, upieršyniu byŭ vyjaŭleny ŭ śniežni 2021 hoda. Pakul BA.2 jašče vyvučajuć, ale ŭžo ličycca, što hety padvid amikrona jašče bolš zarazny za svajho «baćku». Stełs-amikron maje inšuju strukturu šypavidnaha białku, čym raniejšyja mutacyi kavidu, piša Mirror.
Simptomy BA.2 padobnyja da prykmiet zvyčajnaj prastudy. Heta bol u horle, nasmark, čchańnie, lohkija boli ŭ muskułach, stomlenaść i hałaŭny bol. Trochi radziej sustrakajucca takija simptomy, jak nieprytomnaść, tuman u hałavie, syp na skury, kanjuktyvit, młości ci vanity, sonny paraluš i načnaja patlivaść.
Ale ž jość jašče adzin simptom, i jon časta sustrakajecca pry stełs-amikronie. Heta tachikardyja — pavyšany puls. Naša serca moža bicca čaściej u adkaz na pavyšanuju tempieraturu ci na zapaleńnie, vyklikanaje kavidam. Jano pavinna prahaniać pa ciełu bolš kryvi, kab zmahacca ź infiekcyjaj, a dla hetaha sercu prychodzicca pracavać bolš ciažka.
Zvyčajna pavyšany puls — nie toj simptom, što pavinien vyklikać chvalavańnie. Ale, kali tachikardyja nie prachodzić doŭhi čas ci supravadžajecca simptomami nakštałt bolu ŭ hrudziach, hałavakružeńnia ci strat prytomnaści, vam varta naviedać doktara.
Čytajcie taksama:
Doktar Kamaroŭski nazvaŭ dva asnoŭnyja simptomy «amikrona» i paraiŭ lačeńnie
Jak lačyć amikron u chatnich umovach? Zapisali parady doktara Martava
Jak karanavirus upłyvaje na zuby? Raskazvajuć miedyki
Ci palapšajuć imunitet ad kavidu karotkija kantakty z chvorymi?
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi5
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary