Novy ministr adukacyi nazvaŭ hałoŭnyja pytańni na novaj pasadzie. I heta zusim nie ŭzrovień viedaŭ
Pryznačany siońnia novy ministr adukacyi Andrej Ivaniec ličyć hałoŭnymi pytańniami dla siabie na novaj pasadzie pytańni patryjatyzmu i histaryčnaj pamiaci. U hetym jon zhodny z Alaksandram Łukašenkam — heta jon sam tak zaznačyŭ.
«Prezident padkreśliŭ, što pytańni, źviazanyja z vychavańniem histaryčnaj pamiaci, z patryjatyzmam, hałoŭnyja. Ja ŭpeŭnieny, što ŭ nas siońnia dastojnyja piedahohi, i jany zmohuć na vysokim uzroŭni vyrašyć pastaŭlenyja zadačy», — skazaŭ Ivaniec BiełTA paśla pryznačeńnia.
Jon taksama adznačyŭ, što pryniaćcie novaha Kodeksa ab adukacyi nie śviedčyć pra toje, što ŭsio ŭžo zroblena. Nieabchodna realizavać dakumient. Ivaniec taksama spasłaŭsia na svoj vopyt pracy ŭ jakaści hałoŭnaha vučonaha sakratara Akademii navuk. Na jaho dumku, treba i adkryvać šlach dla adoranych studentaŭ, i vychoŭvać ich.
«Treba razumieć, što ad Ministerstva adukacyi patrabujecca i istotnaja ŭvaha da pytańniaŭ vychavańnia padrastajučaha pakaleńnia. Kožny hramadzianin pavinien być patryjotam svajoj krainy, tamu my musim adpaviednym čynam źviarnuć uvahu i na navučencaŭ, i na studentaŭ, i na realizacyju prahramy patryjatyčnaha vychavańnia nasielnictva našaj krainy», — skazaŭ jon.
Alaksandr Łukašenka, pryznačajučy Ivanca, adznačyŭ taksama jaho maładość. I paraŭnaŭ jaho z saboj.
«Kažuć: małady-małady … ja amal u takim uzroście staŭ prezidentam. Što značyć małady? Čas ciapier taki — ścisły, biehać treba. I voś hety spłaŭ — vopytu i maładych chłopcaŭ — im ža zaŭtra krainu prymać, kiravać krainaj i adkazvać za ŭsie hetyja pracesy. Tamu da 40 hadoŭ narmalna — ministr», — skazaŭ Łukašenka, pieradaje jaho pres-słužba.
Jon taksama adznačyŭ pierakananaść i ideałahičnuju zahartoŭku ministra.
«Vielmi vieru ŭ vašu hetuju pierakananaść, ideałahičnuju zahartoŭku. Vy nie staniecie vichlać. Heta dobra», — dadaŭ Łukašenka.
Čytajcie taksama:
Łukašenka pryznačyŭ dvuch novych ministraŭ, źmianiŭ hiendyrektara STB i jašče šmat kaho
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było44
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było4
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary