U Raŭbičach mužčyna zahinuŭ u łaźni, atruciŭšysia čadnym hazam. Vypadak adbyŭsia ŭ červieni 2026 hoda ŭ Minskim rajonie. Na terytoryi pryvatnaha domaŭładańnia ŭ łaźni znajšli cieła 27‑hadovaha mužčyny, piša Dziaržaŭny kamitet sudovych ekśpiertyz.
Mužčyna vyrašyŭ prapalić łaźniu i vyjšaŭ z doma, ale nazad užo nie viarnuŭsia. Baćka, zaniepakojeny doŭhaj adsutnaściu syna, pajšoŭ jaho šukać. Adčyniŭšy dźviery ŭ łaźniu, jon ubačyŭ tam syna biez prykmiet žyćcia.
Ekśpiertyza pakazała, što śmierć nastupiła ŭ vyniku śmiarotnaha atručvańnia čadnym hazam. Pravierka pry hetym nie vyjaviła niaspraŭnaściaŭ u łaźni na momant jaje raspalvańnia.
Śpiecyjalisty nahadvajuć, što čadny haz nadzvyčaj niebiaśpiečny, bo nie maje koleru, smaku i pachu. Traplajučy ŭ kroŭ, jon błakuje pieranos kisłarodu, što moža pryvieści da śmierci.
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary