Apošnija naviny pra Uładzimira Mackieviča: Vyhladaje i adčuvaje siabie lepš, čamu skončyŭ haładoŭku, nieviadoma
Jak raskazali na siońniašniaj pres-kanfierencyi rodnyja i blizkija fiłosafa, jon viedaje, jakaja infarmacyjnaja kampanija była razhornutaja z nahody haładoŭki. Uładzimir Mackievič byŭ uražany i nie čakaŭ takoj padtrymki.
Jaho stan palepšyŭsia, paviedamiła apošnija naviny kaleha Uładzimira Mackieviča, sacyjołah Taćciana Vadałažskaja.
«Advakat i jon sam — nie miedyki, i nie mohuć abjektyŭna aceńvać stan fiłosafa», — rodnyja i blizkija Uładzimira Mackieviča pa-raniejšamu nastojvajuć na tym, kab da jaho dapuścili niezaležnaha urača.
Adnak, čamu palitviazień vyrašyŭ pierapynić haładoŭku, dakładna nie viadoma.
«Advakat znachodzicca pad padpiskaj ab nierazhałošvańni, — paviedamili blizkija fiłosafa siońnia na pres-kanfierencyi. — Viedajem, što ŭviečary 16 lutaha byli praviedzienyja śledčyja dziejańni.
Ni charaktar, ni źmiest nie viadomyja. Ale padčas ich jon daŭ takuju acenku, što stała padstavaj dla spynieńnia haładoŭki».
Siamja, siabry i kalehi Uładzimira Mackieviča padkreślili, što prytrymlivajucca raniejšaj stratehii: jany patrabujuć, kab pravodzilisia śledčyja dziejańni, abvinavačvańnie nie było zakanśpiravanym, a praces u cełym byŭ adkrytym.
«Jon nie zdymaje patrabavańniaŭ, bo nie ličyć ich da kanca vykananymi», — było zajaŭlena na pres-kanfierencyi.
Uładzimir Mackievič spyniŭ haładoŭku: Sprava zrušyłasia ź miortvaha punktu
Pasły ES zaklikali vyzvalić Uładzimira Mackieviča
Pahoršyŭsia stan Uładzimira Mackieviča, jaki haładaje 12-ty dzień. Jaho blizkija: Usie jaho patrabavańni zakonnyja i vykanalnyja
-
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?
-
Ajcišnika ź Minska pasadzili pa čatyroch palityčnych artykułach
-
Sajt Instytuta kantrolu viedaŭ nie vytrymlivaje nahruzki z-za kolkaści achvotnych daviedacca vyniki repietycyjnaha ispytu
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?8
Kamientary