Ekanamist Leŭ Lvoŭski — pra SWIFT: Kali zamach siakiery strašniejšy, čym samo pakarańnie
Staršy navukovy supracoŭnik centra Beroc Leŭ Lvoŭski prakamientaŭ, što aznačaje adklučeńnie Rasii ad SWIFT, jakoje siońnia praanansavali lidary zachodnich krain.
Kali z bolšaściu sankcyj u dačynieńni da RF usio jasna i tam čym bolš, tym lepš, to z adklučeńniem ad SWIFT usio nie tak adnaznačna.
SWIFT vykarystoŭvajecca dla mižnarodnych pieravodaŭ i častkova dla ŭnutranych tranzakcyj (na im zaviazanyja suśvietnyja płastykavyja karty).
Što budzie, kali SWIFT adklučać:
— Dla ŭnutranych pierakładaŭ jość sistema «Śviet». Karty ŭnutry RF pracavać nie pierastanuć.
— Buduć časovyja składanaści z pastupleńniem valuty. Kab u krainu nie pastupali naftadalary ŭ doŭhaterminovaj pierśpiektyvie, treba ŭvieści sankcyi na kuplu ŭ Rasiei nafty, a nie na tranzakcyi. Tamu što Hazpram ŭsio roŭna znojdzie sposaby pieravodu hrošaj i samo pa sabie adklučeńnie jaho nie pałochaje.
— Treciaja, niemałavažnaja funkcyja SWIFT — vyvad hrošaj z Rasiei.
Dla ŭdaru pa rasijskich bankach i źmianšeńnia jaje depazitnaj bazy lepšaha rašeńnia, čym pakinuć mahčymaść vyvadu kapitałaŭ, ale ŭvieś čas kazać, što hetaja mahčymaść moža chutka źniknuć, — i prydumać nielha.
Tak, niejkaja kolkaść pucinskich prychlabacielaŭ vyratujuć svaje hrošy, zatoje heta pieraviadzie ŭsiu bankaŭskuju sistemu Rasiei na hałodny pajok i zapuścić hihanckija prablemy ź likvidnaściu. Tamu samaj dziejsnaj mieraj stanie abiacańnie adklučeńnia, ale nie realnaje dziejańnie.
A kab praz SWIFT u krainu nie prychodzili hrošy, jość usie astatnija sankcyi.
Čytajcie taksama:
SWIFT: što heta takoje i što budzie, kali Rasiju adklučać
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha36
Kamientary