Były prezident Viktar Janukovič, jaki źbieh u 2014 hodzie, źviarnuŭsia da Uładzimira Zialenskaha.
«Ja chaču pa-prezidencku i navat krychu pa-baćkoŭsku zaklikać Uładzimira Zialenskaha.
Uładzimir Alaksandravič, vy, musić, marycie stać sapraŭdnym hierojem! Ale ž hieraizm nie pakazalny, jon nie ŭ tym, kab vajavać da apošniaha ŭkrainca.
Jon u samaachviaravańni, u pieramozie nad ułasnym honaram i ambicyjami dziela zachavańnia žyćciaŭ ludziej. U svoj pieršy dzień vy abiacali spynić vajnu va Ukrainie, i tolki tamu ŭsia Ukraina padtrymała vas. Vy mahli stać prezidentam miru, ale, na žal, hetaha nie adbyłosia.
Ja dobra razumieju, što ŭ vas šmat «daradcaŭ», ale asabista vy abaviazany lubym koštam spynić krovapralićcie i dasiahnuć mirnaj damovy.
Hetaha ad vas čakajuć va Ukrainie, Danbasie i Rasii. Vam buduć udziačnyja ŭkrainski narod i vašy partniory na Zachadzie. «Ščaślivyja miratvorcy, bo jany buduć naračonyja synami božymi» (Jevanhielle ad Matfieja raździeł 5 vierš 9).
Na pačatku sakavika źjaŭlałasia infarmacyja, što uciekača Janukoviča Rasija choča viarnuć i zrabić «prezidentam Ukrainy». Učora samalot Janukoviča prylataŭ u Minsk.
Kamientary