23-hadovaja prakurorka Alina Kaśjančyk pajšła na pavyšeńnie — bolšy zarobak, salidniejšaja pasada
Jak stała viadoma «Našaj Nivie», Alina Kaśjančyk atrymała pavyšeńnie: z rajonnaj prakuratury Frunzienskaha rajona stalicy jaje pieraviali ŭ prakuraturu pa Minsku.
Alinie Kaśjančyk 23 hady. Hramadstva daviedałasia pra jaje ŭ 2020-m hodzie, kali maładoj dziaŭčynie pačali daviarać samyja absurdnyja palityčnyja spravy, jakija jana davodziła da realnych terminaŭ u kałonii.
Tak, pa vynikach abvinavačvańniaŭ Kaśjančyk dva hady kałonii atrymaŭ Maksim Paŭluščyk za nadpis «Nie zabudziem» na Puškinskaj, pa dva hady kałonii atrymali žurnalistki Kaciaryna Andrejeva i Darja Čulcova za strym z razhonu akcyi pamiaci zabitaha Ramana Bandarenki. I hetak dalej.
Kaśjančyk spryčyniłasia da mnohich pałamanych losaŭ, navat žančynu, jakaja zdavała joj kvateru i paprasiła źjechać, Kaśjančyk adpraviła na chatniuju chimiju.
I voś, udarnaja rabota pryniesła vyniki: Kaśjančyk pavysili. Ciapier jana pracuje ŭ haradskoj prakuratury stalicy. Padtrymlivaje abvinavačvańnie ŭ sudzie nad palitviaźniem, eks-prakuroram Jaŭhienam Babakom u Minskim haradskim sudzie.
Što daje hetaje pavyšeńnie?
«Prakuratura rajona — heta bazavy ŭzrovień, prakuratura vobłaści abo horada Minska — vyšejstajačaja instancyja. A nad hetym užo Hienieralnaja prakuratura. Tamu ŭ horadzie, jak minimum, budzie bolšy zarobak, zhodna z zakonam «Ab prakuratury»: kali ŭ pamočnika prakurara rajona pasadavy kaeficyjent dla vyznačeńnia akłada — ličba 3, to takaja ž pasada ŭ Minskaj haradskoj prakuratury maje kaeficyjent 3,50, — tłumačyć kaleha Kaśjančyk. — Nu i adnosna raboty, ty ŭžo nie zajmaješsia drabiazoj na rajonie, a «salidny čałaviek» na horadzie».
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary