Ukraincy zapuścili antyvajennuju rekłamu na biełaruskuju i rasijskuju aŭdytoryju. Vyniki ŭražvajuć
U pieršyja dni vajny ŭkrainskija markietołahi zapuścili kampaniju pa aktyŭnym prasoŭvańni antyvajennaj infarmacyi na rasijskuju aŭdytoryju, u sakaviku sprava dajšła da Biełarusi. I voś što atrymałasia.
Markietołah Andrej Šarajeŭski raspavioŭ «Našaj Nivie», jak adroźnivajecca staŭleńnie da vajny siarod biełarusaŭ i rasiejcaŭ.
«U kancy lutaha mnostva ŭkrainskich markietołahaŭ stali zapuskać infarmacyjnyja kampanii, raźličanyja na Rasiju ŭ Facebook, Instagram i YouTube. Rabili my heta tamu, što tady ŭ nas jašče tleła nadzieja, što kali my budziem tranślavać praŭdu ŭ Rasiju, to narod adumajecca, ustanie i pakaža svajmu «caru», što jon nie maje racyju, — uspaminaje Šarajeŭski. —
Našyja spadziavańni byli marnyja, my sutyknulisia ź vielmi žorstkim infarmacyjnym supracivam z boku rasiejcaŭ. Jany nie chočuć vieryć ničomu, usio nazyvajuć fejkami. Kažuć, što fatahrafii raźbitych kałon my namalavali ŭ hulniach, a videa — heta naohuł narezki ź sieryjałaŭ i h. d. Rasiejcy nam absalutna nie vieryli».
Nizkuju zacikaŭlennaść antyvajennaj tematykaj z boku rasiejcaŭ paćvierdziła i statystyka rekłamnych kampanij.
«Niahledziačy na aktualnaść temy, vodhuk navat na samyja papularnyja videa składaŭ 8 — 10%. Heta nižej za siaredni navat u zvyčajnaj rekłamie», — adznačaje markietołah. —
Niedzie 8-9 sakavika va Ukrainie stała źjaŭlacca šmat infarmacyi ab tym, što biełaruskija vojski hrupujucca kala miažy z Ukrainaj. Tady ja razam z kalehami pryniaŭ rašeńnie, što nadyšoŭ čas zapuskać infarmacyjnuju kampaniju na Biełaruś. Vyniki nas pryjemna ździvili. Bolš za toje, jany pieraŭzyšli ŭsie samyja aptymistyčnyja spadziavańni.
Vodhuk siarod biełaruskaj aŭdytoryi byŭ u niekalki razoŭ vyšej, čym u karystalnikaŭ z Rasii. CTR (vodhuk) pa Biełarusi składaŭ kala 30%, suprać 8 — 10% pa RF. Jašče adnym pakazčykam možna adznačyć pracent dahladu videa ŭ YouTube, jon składaŭ paradku 25%, kali dla rekłamy dobrym ličycca 5%», — dzielicca vynikami Šarajeŭski.
Pa padlikach śpiecyjalista, ahulnaja kolkaść prahladaŭ kantentu, nakiravanaha na Biełaruś, skłała nie mienš za dva miljony.
«Heta tolki z taho, što ja kuryravaŭ asabista. Adnak dumaju, što ŭ realnaści achop biełaruskaj aŭdytoryi byŭ jašče bolšym.
Dziakujučy hetaj kampanii my ŭbačyli, što biełarusy mocna zacikaŭlenyja ŭkrainskaj prablematykaj, što im u adroźnieńnie ad rasiejcaŭ chočacca hladzieć, raźbiracca i daviedvacca praŭdu.
Kali ad rasiejskaj aŭdytoryi my čaściej za ŭsio čuli, što heta ŭsio fejki i chłuśnia, to biełarusy naadvarot vielmi časta padtrymlivali, kazali, što my z vami, što my za vas».
Čytajcie taksama:
Tolki 3% biełarusaŭ chočuć vajavać z Ukrainaj, bolšaść za nieadkładny vyvad rasijskich vojskaŭ — vyniki apytańnia
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5050
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie50
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary