Biełaruski Alfa-Bank: Nas sankcyi nie zakranajuć, my asobny biznes
Sankcyi ZŠA, uviedzienyja suprać Alfa-Banka Rasii, nie zakranajuć dziejnaść Alfa-Banka ŭ Biełarusi. Pra heta paviedamlaje pres-słužba banka.
«Alfa ŭ Biełarusi — heta asobny biznes u składzie mižnarodnaha kansorcyŭmu. U dačynieńni da jaho i biznesu ŭ Biełarusi jakich-niebudź abmiežavańniaŭ nie ŭvodzili», — zapeŭnivajuć u biełaruskim Alfa-Banku.
Pres-słužba banka padkreślivaje, što płaciažy pa jahonych kartach Visa i Mastercard dastupnyja pa ŭsim śviecie, płaciažy ŭ Apple Pay prachodziać jak zvyčajna.
Pytańnie ŭźnikła ŭ suviazi z tym, što 6 krasavika ZŠA ŭviali novyja sankcyi suprać Rasii. Siarod inšaha «poŭnyja błakujučyja» sankcyi ŭvodziacca suprać rasijskich Alfa-Banka i «Śbierbanka». Ale farmalna mažarytarnym akcyjanieram biełaruskaj «Alfy» źjaŭlajecca kiprskaja ABH BELARUS LIMITED.
Kamientary