Pačaŭsia sud nad chirurham Andrejem Lubieckim. Jaho vinavaciać pa čatyroch artykułach
Siońnia ŭ Minskim haradskim sudzie raspačaŭsia sud nad viadomym chirurham Andrejem Lubieckim
Spravu razhladaje sudździa Śviatłana Čarapanava. Skivičnaha chirurha, jaki 18 hadoŭ adpracavaŭ u dziciačaj balnicy ŭ Minsku i byŭ vałancioram kala Akreścina, zatrymali 4 maja 2021 hoda, nahadvajuć pravaaabaroncy.
SK kvalifikavaŭ jaho dziejańni pavodle:
— č. 1 art. 342 (udzieł u dziejańniach, jakija hruba parušajuć hramadski paradak),
— č. 1 art. 130 (raspalvańnie sacyjalnaj varožaści),
— art. 369 (abraza pradstaŭnika ŭłady),
— č.1, 2 art. 368 (abraza prezidenta).
Zhodna ź viersijaj śledstva, chirurh «publična vykazvaŭsia ab pryniatym rašeńni parušyć dadzienuju im miedycynskuju klatvu i ŭsialak pieraškadžaŭ akazańniu miedycynskaj dapamohi supracoŭnikam milicyi i čalcam ich siemjaŭ, zaklikaŭ svaich kaleh da padobnych supraćpraŭnych dziejańniaŭ».
Taksama jaho abvinavačvajuć va ŭdziele ŭ 8 pratesnych akcyjach i napisańni dopisaŭ u sacsietkach, jakija kvalifikavali jak abrazy i raspalvańnie varožaści.
«Ščaślivy, što žoncy ŭdałosia źjechać. A ja vytrymaju». Chirurh Andrej Lubiecki daŭ intervju ź SIZA
Ciapier čytajuć
Žančynie, jakaja vyhuknuła ŭ fiłarmonii «Słava Ukrainie!», dali 20 sutak1
Žančynie, jakaja vyhuknuła ŭ fiłarmonii «Słava Ukrainie!», dali 20 sutak
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3131
Kamientary