EPAM kančatkova sychodzić z Rasii i spyniaje ŭsie apieracyi ŭ krainie
EPAM sychodzić z Rasii i spyniaje ŭsie apieracyi ŭ krainie. Pra heta SIEO kampanii Arkadź Dobkin paviedamiŭ u liście supracoŭnikam. Pryčyna: vajna va Ukrainie, paviedamlaje Dev.by.
«Pavažanyja kalehi, vajna na Ukrainie, raspačataja rasijskim uradam, pryniesła trahičnuju i niemahčymuju realnaść narodu Ukrainy, usiamu śvietu i EPAM. Hetaja ahresija spustašalnaja, i my samym rašučym čynam jaje asudžajem, — napisaŭ Arkadź Dobkin.
4 sakavika my abviaścili ab svaim rašeńni spynić absłuhoŭvańnie klijentaŭ u Rasii. Paśla pilnaj acenki našaj dziejnaści za apošnija čatyry tydni i kansultacyj z našymi klijentami i partniorami pa ŭsim śviecie, my vyrašyli spynić usie apieracyi EPAM ŭ hetaj krainie.
Heta adbudziecca paetapna na praciahu nastupnych troch miesiacaŭ u ciesnym supracoŭnictvie z našymi supracoŭnikami i klijentami. I ŭ poŭnaj adpaviednaści z usimi zakonami», — napisaŭ Dobkin.
Pa apošnich źviestkach, ofisy EPAM ŭ Rasii jość u Maskvie, Sankt-Pieciarburhu, Saratavie, Vałhahradzie, Nižnim Noŭharadzie, Ižeŭsku, Razani, Samary, Ćviery, Krasnadary, Taljaci.
Pa dadzienych RBK, u 2021 hodzie ŭ Rasii ŭ EPAM pracavali 6190 čałaviek.
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary