Da vielikodnaha stała. Zapiečanaja naha jahniaci z prypravami — duchmianaja strava, jakuju prosta pryhatavać
Dobraje miasa i travy, i ničoha bolš. Hetaja strava stanie cudoŭnym upryhožvańniem vielikodnaha stała. I, što nie mienš pryjemna, jaje nie nadta ciažka hatavać.
Fota: BBC Food
Kab pryhatavać zapiečanuju nahu jahniaci z prypravami, vam spatrebicca:
- adna naha jahniaci vahaj 2 kh,
- liście z maleńkaha pučka arehana,
- čajnaja łyžka liścia razmarynu,
- 4 hałoŭki časnaku (treba ich raścisnuć),
- cedra i sok adnaho limona,
- cedra i sok adnaho apielsina,
- 2 stałovyja łyžki aliŭkavaha aleju,
- 2 čajnyja łyžki marskoj soli.
- Razahrejcie duchoŭku da 180 hradusaŭ.
- Pakładzicie jahniacinu ŭ vialikuju formu dla zapiakańnia skuraj uvierch, i z dapamohaj vostraha naža zrabicie na skury jak maha bolš nadrezaŭ.
- Z dapamohaj błendera ci kuchonnaha kambajna źmiašajcie arehana, razmaryn, časnok, cedru limona i apielsina, pa 2 stałovyja łyžki limonnaha i apielsinavaha soku, aliŭkavy alej i sol. Razmažcie hetuju sumieś pa jahniacinie — treba dobra ŭcierci jaje ŭ skuru. Pakińcie miasa pry chatniaj tempieratury na 45 chvilin.
- Nalejcie ŭ formu dla zapiakańnia vadu, jakaja tolki što zakipieła — jana pavinna pakryvać dno formy na 0,5 santymietra. Zapiakajcie miasa 1 hadzinu 40 chvilin, pryčym paśla pieršaj hadziny dadajcie ŭ formu vady, kali jana vyparycca. Kali miasa pačnie prypiakacca, pakryjcie jaho folhaj. Pierad tym, jak skončycca čas zapiakańnia, dastańcie miasa z duchoŭki i praviercie jaho na hatoŭnaść tak, jak heta zvyčajna robicie: naprykład, pratknicie jaho nažom i pahladzicie, ci budzie prazrystym toj sok, jaki budzie vyciakać ź jaho — bo kali miasa hatovaje, sok pavinien być prazrystym. Abo praviercie z dapamohaj śpiecyjalnaha termomietra tempieraturu miasa ŭ centry nahi: u vypadku z całkam prapiečanym miasam tempieratura pavinna składać 71 hradus, u vypadku ź siarednieprapiečanym — 60 hradusaŭ.
- Kali jahniacina budzie hatovaj, dastańcie jaje z duchoŭki, niaščylna pakryjcie folhaj i pakińcie miasa na 15-30 chvilin. Potym jaho možna budzie narazać.
Kamientary