Ci možna traktavać pastanovu ab abmiežavańni ŭjezdu mašyn ź ES u Biełaruś jak zabaronu na tranzit hruzaŭ? Adkaz — nie
Biełaruś uvodzić kontrsankcyii suprać pieravozčykaŭ na jeŭrapiejskich numarach z 16 krasavika i «uvodzić zabaronu na pierasoŭvańnie praz mytnuju hranicu JEEAS». Ale ŭ paviedamleńni pra pastanovu havorycca, što ŭ joj jość vyklučeńni: «vyklučeńnie składaje ich ruch praz vyznačanyja punkty propusku ŭ śpiecyjalna vyznačanych miescach dla ažyćciaŭleńnia hruzavych apieracyj i pieračepki».
U pierakładzie na čałaviečuju movu heta aznačaje nastupnaje: Biełaruś ŭvodzić «sankcyi» pa formie, ale pa źmieście choča zastacca chabam dla pieravałki hruzaŭ. Prosta mašyny na jeŭrapiejskich numarach buduć zajazdžać u «śpiecyjalna vyznačanyja miescy», dzie hruz budzie pieračeplivacca na inšy ciahač na biełaruskich numarach, i jechać dalej u Rasiju.
BIEŁTA pra heta i piša:
«Aproč hetaha, vyznačany pieralik miescaŭ, u jakija mohuć kiravacca zarehistravanyja ŭ ES aŭtatranspartnyja srodki dla ažyćciaŭleńnia hruzavych apieracyj i pieračepki ź bližejšych punktaŭ propusku. Taksama Mytny kamiteta pa ŭzhadnieńni ź Mintransam budzie vyznačać inšyja takija miescy».
Jak miarkujuć udzielniki rynku, tranzit hruzaŭ praź Biełaruś zachavajecca, ale zarobiać na im zbolšaha tyja, chto vałodaje «vyznačanymi miescami dla ažyćciaŭleńnia hruzavych apieracyj i pieračepki».
Čytajcie taksama:
Biełaruś abmiažoŭvaje ŭjezd na svaju terytoryju aŭtamabilaŭ, zarehistravanych u Jeŭrasajuzie
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary