U Biełarusi zavodzicca kala 5000 palityčnych kryminalnych spraŭ za hod
«Spravy ab ekstremiźmie składajuć nie bolš za 5—6% ahulnaj kolkaści złačynstvaŭ». Pra heta ŭ intervju BIEŁTA raskazaŭ namieśnik staršyni Śledčaha kamiteta Anatol Vasiljeŭ.
Usiaho ŭ Biełarusi ŭ 2020 hodzie było zarehistravana kala 96 tysiač, u 2019 i 2021 hadach — prykładna pa 88 tysiač złačynstvaŭ. Z hetaha vynikaje, što ciapier za hod u krainie zavodzicca kala 5000 palityčna matyvavanych kryminalnych spraŭ. U saviecki čas takija złačynstvy nazyvali «antysavieckimi», ciapier dla ich łukašenkaŭcy vykarystoŭvajuć eŭfiemizm «ekstremisckija».
Varta adznačyć, što heta niapoŭnaja ličba, bo palityčna matyvavanyja spravy, dapuścim, Viktara Babaryki ci Tut.by, u dadzienuju statystyku nie traplajuć. Jany farmalna ličacca ekanamičnymi.
Takoha maštabu palityčnych represij nie viedała nivodnaja jeŭrapiejskaja kraina ad stalinskich časoŭ. Represii ŭ Biełarusi pieraŭzyšli palityčny pieraśled pry dyktatury «čornych pałkoŭnikaŭ» u Hrecyi i pry Čaŭšesku ŭ Rumynii.
«Ekstremizmam» u Biełarusi ličycca, da prykładu, naniasieńnie nadpisu «Nie zabudziem!» na tratuary, niehatyŭny smajlik pad infarmacyjaj pra milicyjanta, admova zdać kvateru prakuroru, jakaja abvinavačvała pa palityčna matyvavanych spravach. Za ŭsio heta zavodzilisia kryminalnyja spravy, i ŭsie jany skončylisia abvinavaŭčym prysudam. 100 pracentaŭ prysudaŭ pa palityčna matyvavanych spravach — abvinavaŭčyja. Pry niepalityčnych spravach sudy skančajucca abvinavaŭčym prysudam u 99,7% vypadkaŭ.
Šturšok vialikaj chvali palityčnych represij dali pratesty suprać falsifikacyi vybaraŭ i parušeńnia zakonnaści ŭ krainie, jakija vybuchnuli ŭ 2020 hodzie, u jakich brali ŭdzieł sotni tysiač ludziej.
Palityčnych aryštavanych katujuć, sistemna trymajuć pa 8 čałaviek u adnamiesnych kamierach na Akreścina i ŭ Žodzinie. Režym Łukašenki, napeŭna, adzin z samych biesčałaviečnych u historyi Jeŭropy. Za čas jaho 28-hadovaha kiravańnia Biełaruś taksama stała adnoj z najbiadniejšych krain Jeŭropy, całkam zaležnaj ad Rasii.
Ahulnuju kolkaść fihurantaŭ palityčna matyvavanych kryminalnych spraŭ ułady Biełarusi nie ahučvajuć. Pravaabaroncy taksama nie mohuć jaje padličyć, nastolki šmat hetych spraŭ.
Čytajcie taksama: Smajlik-haŭniaška i bčb-vałasy. Zhadvajem samyja absurdnyja prysudy hoda
-
«Chacieŭ pajści na słužbu, abaraniać vas ad dronaŭ». Hamielčuka, jaki maryŭ słužyć u vojsku, zatrymali «za padpisku»
-
«U kałoniju zajechała žančyna, jakaja adpraŭlała mnie miłyja pasyłki». Intervju z hałoŭnaj redaktarkaj Tut.by Marynaj Zołatavaj
-
Mabilnym apierataram zabaranili zahaniać biełarusaŭ u vialiki minus
Ciapier čytajuć
Mabilnym apierataram zabaranili zahaniać biełarusaŭ u vialiki minus4
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary