U biełaruskim YouTube zapuskajuć novaje tok-šou. Raskazvajem, što za jano
Hałoŭnaja redaktarka The Village Jaŭhienija Suhak zapuściła tok-šou «Mnie taksama nie padabajecca». Daviedalisia ŭ jaje, pra što jano budzie i chto z hierojaŭ tam budzie spračacca.
Kalehi Jaŭhienii daŭno schilali jaje niešta pačać rabić na YouTube. Ale jana «spuskała ŭsio na tormazach».
«Potym jany niejkim čynam abviali mianie vakoł palca. Ja i sama nie zaŭvažyła, jak prydumała temu, znajšła hierojaŭ i voś užo siadžu ŭ studyi.
Kali spytać u maich siabroŭ, znajomych, što jany hladziać na YouTube, to jany nazavuć Kaciarynu Šulman, Illu Varłamava, Alaksieja Vieniedyktava. Viadoma, Mikitu Miełkaziorava, kahości jašče ź biełaruskich jutubieraŭ, ale ich budzie mienš, čym rasijskich. Ja nie pretenduju na rolu Šulman ci papularnaść Dudzia, ale mnie prosta chaciełasia, kab biełarusy hladzieli bolš svajho i kab byŭ vybar», — kaža jana.
Nazva tok-šou «Mnie taksama nie padabajecca», z adnaho boku, adsyłaje da miema, u jakim pažyłaja para staić na bierazie mora, a pierad im adkryvajecca cudoŭny vid. Babula kaža: «Niepryhoža», a dziadula adkazvaje: «Mnie taksama nie padabajecca».
Z druhoha boku, heta fraza padajecca Jaŭhienii mocnaj.
«Lublu, kali ludzi dekłarujuć ab tym, što im niešta nie padabajecca adkryta, kali jany nie cierpiać i nie pakutujuć, a znachodziać adnadumcaŭ, abmiarkoŭvajuć heta. I dumajuć, što možna zrabić, kab stała lepiej, — kaža jana. — Heta rubryka, darečy, u nas jość u šou, nazyvajecca «Užo lepš».
Sam farmat — heta dyskusija z tryma hierojami. Važnyja nie sami ludzi, a tema, jakaja visić u pavietry, pra jakuju my dumajem, ale nie havorym. Zaprašaju biełarusaŭ, jakija mohuć pa joj skazać niešta cikavaje. My tut nie adšturchoŭvajemsia ad niejkaj miedyjnaści, zornaści čałavieka. Heta moža być prosta ekśpiert pa temie ci čałaviek, jaki pieražyŭ padobny dośvied».
U pieršym vypusku ŭ studyi — były advakat Illa Salej, biznesoviec Alaksandr Knyrovič i adna z arhanizatarak žanočych maršaŭ Anastasija Kaściuhova.
Tok-šou budzie vychodzić raz na tydzień. Temy — nie tolki pra palityku, ale źviazanyja ź joj, pakolki ŭsio žyćcio biełarusaŭ zaraz jaje datyčycca.
«Kali kalehi daviedalisia, što ŭ mianie budzie pa try hieroi ŭ kožnym vypusku, skazali, što ja adsiekła sabie abiedźvie nahi. Časam ciažka znajści adnaho čałavieka, a tut adrazu niekalki. Ale z ulikam taho, što ja nie vybiraju tolki miedyjnych ludziej, mnie zdajecca, što hierojaŭ budzie dastatkova. Ludziej, jakim jość što skazać, mnoha. Ich nie viedajuć, ale ich cikava pasłuchać.
Biełaruskaha kantentu na YouTube nie chapaje. Jašče ja dumaju, što mała prysutnaści ŭ hetym žančyn. Treba, kab ich było bolš, bo, kali prablemu abmiarkoŭvaje žančyna, heta zusim inšy pohlad. Mužčyny mohuć niešta ŭpuskać. Tym bolej kłasnych biełarusak vielmi šmat. Miarkuju, što treba pakazvać žanočuju ekśpiertnaść», — kaža viadučaja.
Na pytańnie, ci budzie niešta ŭ tok-šou, što «padabajecca», Jaŭhienija adkazvaje, što padčas razmovy pra heta taksama razvažajuć.
«Heta nie videa ź niejkim chejtam, skarhami. Jość i pazityŭ», — kaža jana.
Čytajcie taksama:
Top-15 biełaruskich akauntaŭ u Tvitary — kaho varta pačytać
Jakuju rekłamu kruciać na dziaržaŭnym TB u prajm-tajm? Zajmalny ahlad
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?12
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8686
Kamientary