«Zachad adčuŭ, što Pucin nie ŭsiomahutny». Ź im bolš nie chočuć havaryć, jaho chočuć dacisnuć
Paśla pryjezdu premjer-ministra Vialikabrytanii Borysa Džonsana ŭ Kijeŭ mahčymaja sustreča prezidentaŭ Ukrainy Uładzimira Zialenskaha i Rasii Uładzimira Pucina stała mienš vierahodnaj, śćviardžaje «Ukrainskaja praŭda» na padstavie infarmacyi svaich krynic.
Ukrainski bok nibyta byŭ užo faktyčna hatovy da sustrečy z Pucinym. Ale adbylisia dźvie padziei, paśla jakich člen ukrainskaj delehacyi Michaił Padalak musiŭ adkryta pryznać, što sustreča prezidentaŭ užo «nie da času».
Pieršaja — heta vykryćcio źvierstvaŭ, učynienych rasijskimi vojskami na časova zachoplenych ukrainskich terytoryjach. A druhoj pieraškodaj dla damoŭlenaściaŭ z rasijanami nibyta staŭ prylot u Kijeŭ 9 krasavika Borysa Džonsana.
Pa danych krynic «UP», nabližanych da Zialenskaha, premjer-ministr Vialikabrytanii, jaki amal biez papiaredžańnia źjaviŭsia ŭ stalicy Ukrainy, pryvioz u Kijeŭ dva prostyja mesedžy.
Pieršy, što Pucin vajenny złačynca, jaho treba daciskać, a nie damaŭlacca ź im. I druhi: kali Ukraina hatovaja ź im padpisvać niejkija pahadnieńni ab harantyjach, to jany — nie.
Takaja pazicyja Džonsana pakazała: «kalektyŭny Zachad», jaki jašče ŭ lutym prapanoŭvaŭ Zialenskamu zdacca i biehčy, ciapier adčuŭ, što Pucin na samaj spravie zusim nie taki ŭsiomahutny, jakim jaho sabie ŭjaŭlali, i što mienavita ciapier źjaviŭsia šaniec «jaho dacisnuć».
Praz try dni paśla taho, jak Džonsan źjechaŭ nazad u Vialikabrytaniju, Pucin vyjšaŭ da publiki i zajaviŭ, što pieramovy z Ukrainaj «zajšli ŭ tupik».
A jašče praz try dni ŭ Kijeŭ znoŭ pryjechaŭ Raman Abramovič, i prezident Zialenski aficyjna zajaviŭ, što pahadnieńniaŭ pa biaśpiecy z Rasijaj moža być dva: adno budzie tyčycca ŭłasna suisnavańnia Ukrainy z Rasijaj, druhoje — vyklučna harantyi biaśpieki, tamu što nie ŭsie «bačać siabie za adnym stałom z RF».
Paśla heta, pa słovach krynic «Ukrainskaj praŭdy», dvuchbakovy pieramoŭny praces i staŭ na paŭzu.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu8
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary