«Захад адчуў, што Пуцін не ўсёмагутны». З ім больш не хочуць гаварыць, яго хочуць даціснуць
Пасля прыезду прэм'ер-міністра Вялікабрытаніі Борыса Джонсана ў Кіеў магчымая сустрэча прэзідэнтаў Украіны Уладзіміра Зяленскага і Расіі Уладзіміра Пуціна стала менш верагоднай, сцвярджае «Украінская праўда» на падставе інфармацыі сваіх крыніц.
Украінскі бок нібыта быў ужо фактычна гатовы да сустрэчы з Пуціным. Але адбыліся дзве падзеі, пасля якіх член украінскай дэлегацыі Міхаіл Падаляк мусіў адкрыта прызнаць, што сустрэча прэзідэнтаў ужо «не да часу».
Першая — гэта выкрыццё зверстваў, учыненых расійскімі войскамі на часова захопленых украінскіх тэрыторыях. А другой перашкодай для дамоўленасцяў з расіянамі нібыта стаў прылёт у Кіеў 9 красавіка Борыса Джонсана.
Па даных крыніц «УП», набліжаных да Зяленскага, прэм'ер-міністр Вялікабрытаніі, які амаль без папярэджання з'явіўся ў сталіцы Украіны, прывёз у Кіеў два простыя мэсэджы.
Першы, што Пуцін ваенны злачынца, яго трэба даціскаць, а не дамаўляцца з ім. І другі: калі Украіна гатовая з ім падпісваць нейкія пагадненні аб гарантыях, то яны — не.
Такая пазіцыя Джонсана паказала: «калектыўны Захад», які яшчэ ў лютым прапаноўваў Зяленскаму здацца і бегчы, цяпер адчуў, што Пуцін на самай справе зусім не такі ўсёмагутны, якім яго сабе ўяўлялі, і што менавіта цяпер з'явіўся шанец «яго даціснуць».
Праз тры дні пасля таго, як Джонсан з'ехаў назад у Вялікабрытанію, Пуцін выйшаў да публікі і заявіў, што перамовы з Украінай «зайшлі ў тупік».
А яшчэ праз тры дні ў Кіеў зноў прыехаў Раман Абрамовіч, і прэзідэнт Зяленскі афіцыйна заявіў, што пагадненняў па бяспецы з Расіяй можа быць два: адно будзе тычыцца ўласна суіснавання Украіны з Расіяй, другое — выключна гарантыі бяспекі, таму што не ўсе «бачаць сябе за адным сталом з РФ».
Пасля гэта, па словах крыніц «Украінскай праўды», двухбаковы перамоўны працэс і стаў на паўзу.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі19
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары