Siem papularnych mifaŭ pra klaščoŭ

Mif 1. Jarkaje adzieńnie adpužvaje klaščoŭ

Heta niapraŭda, bo klaščy całkam ślapyja. Tym nie mienš, śvietłaje adzieńnie sapraŭdy dapamoža źnizić škodu ad hetych parazitaŭ, bo na im ich našmat lahčej zaŭvažyć i streści, čym na ciomnym adzieńni.

Daŭžynia adzieńnia taksama važnaja, bo čym bolš my prykryvajem cieła, tym bolš ciažka budzie klašču dabracca da skury. Taksama dla abarony ad parazitaŭ možna vykarystoŭvać chimičnyja repielenty i pryłady, što adpužvajuć klaščej z dapamohaj ultrahuku.

Ale ŭsio heta — nie harantyja biaśpieki, a tolki sposab źnizić ryzyku. Kali viartajeciesia dachaty, asabliva ź miesca, dzie moža być šmat klaščoŭ (z hustaha, zarosłaha lesu ci parku), prymicie duš, ahledźcie ŭsio cieła i adpraŭcie ŭ pralnuju mašynu adzieńnie, u jakim byli.

Mif 2. Treba niečym zmazać klašča, tady jon sam vylezie

Heta adzin z samych niebiaśpiečnych mifaŭ pra klaščoŭ. Kali hetaha parazita abmazać tłuščam, raścisnuć ci padpalić, jon vypuskaje ŭ arhanizm achviary ślinu, u jakoj mohuć być škodnyja mikroby.

Kab biaśpiečna vydalić klašča, treba vykarystoŭvać śpiecyjalnyja pryłady. Heta moža być śpiecyjalny nabor z vadkaściu dla zamarožvańnia klaščoŭ abo zvyčajny pincet ci ściskač. Taksama nie zabudźcie pradezinfikavać ruki i miesca ŭkusu.

Mif 3. Klaščy žyvuć u kronach dreŭ i padajuć na nas źvierchu

Šmat chto ličyć, što šyrakapoły kapialuš moža abaranić ad klaščoŭ, ale heta nie tak. Hetyja parazity siadziać na travie i ŭ kustoŭi, i svoj šlach da cieła patencyjnaj achviary jany pačynajuć źnizu.

Mif 4. Klaščy žyvuć tolki ŭ lasach

Na samoj spravie hetych parazitaŭ možna sustreć na łuhach, u kustach i zaraśnikach, usio čaściej ź imi sutykajucca ŭ haradskich parkach i na prysiadzibnych učastkach. Kali i vy znojdziecie ŭ svaim sadzie hetych niaprošanych haściej, varta apyrskać sad śpiecyjalnymi preparatami suprać ich.

Mif 5. Hałoŭny haspadar klaščoŭ — čałaviek

Heta nie tak, bo klaščy charčujucca kroŭju roznych chrybietnych. Čaściej za ŭsio, jany siadajuć na lasnych žyvioł, naprykład, ptušak i vaviorak, i źviartajuć uvahu na ludziej tolki tady, kali im nie chapaje bolš zvykłych krynic charčavańnia. Taksama hetyja parazity časta napadajuć na sabak — kab abaranić svajho ŭlubionca, apranajcie na jaho padčas špacyraŭ śpiecyjalny supraćkleščavy ašyjnik abo vykarystoŭvajcie adpaviednyja sprei, šampuni ci kropli ad klaščoŭ.

Mif 6. Kali paśla ŭkusu ŭ vas nie ŭtvaryŭsia čyrvony kruh, značyć, klešč nas ničym nie zaraziŭ

Erytema — charakterny simptom chvaroby Łajma, jakuju pieradajuć klaščy, ale ž jana prysutničaje nie zaŭsiody. Bolš za toje, klaščy pieranosiać i inšyja chvaroby, naprykład, kleščavy encefalit. Tamu, kali vy chočacie dakładna pravieryć, ci nie pakinuŭ vam klešč niejkuju z hetych chvarobaŭ, lepiej za ŭsio zdać klašča na pravierku.

Mif 7. Klaščy najbolš aktyŭnyja letam

I heta niapraŭda. Pieršy pik aktyŭnaści klaščoŭ prychodzicca na maj-červień, a druhi — žnivień-vierasień. Jany nie pieranosiać pramych soniečnych pramianioŭ i nie lubiać suchoj pavierchni tamu na piku leta ich sustrakajecca mienš.

Čytajcie taksama:

Ekśpiert: Kamary, muchi i klaščy nie pieranosiać COVID-19

• 62
• 0
• 1
• 2
• 11
• 3
• 4
• 0