Rasijanku z vokładki «KP» asudzili na hod kałonii za ŭdzieł u biełaruskich pratestach
U Minsku asudzili adrazu dźviuch palitźniavolenych — dziaŭčynu z vokładki «Kamsamołki» i nastaŭnicu ruskaj movy i litaratury, piša Viasna.
5—6 maja sud Maskoŭskaha rajona stalicy razhladaŭ spravu Nasty Kucharavaj i hramadzianki Rasii Viery Ćvikievič. Tak zdaryłasia, što ŭ hetych dziaŭčyn adno na dvaich fota, jakoje siłaviki vykarystali ŭ jakaści dokazu ich viny — na im Viera i Nasta razam ź inšymi dziaŭčatami iduć a adnym šerahu padčas mirnaj akcyi pratestu.
Abiedźvium vystavili abvinavačvańnie pavodle č. 1 art. 342 «Arhanizacyja i padrychtoŭka dziejańniaŭ, što hruba parušajuć hramadski paradak, abo aktyŭny ŭdzieł u ich». Sudzili dziaŭčyn taksama razam.
U vyniku sudździa Volha Małašenka prysudziła Kucharavaj try hady «chatniaj chimii», a Ćvikievič — hod kałonii ahulnaha režymu.
Kamientary