Brytanski markietplejs kupiŭ startap biełarusaŭ Wannabe za 29,4 młn dalaraŭ
Markietplejs Farfetch nabyŭ startap ź biełaruskimi karaniami Wannaby Inc za 29,4 młn dalaraŭ, piša dev.by.
«My začynili ździełku, nad jakoj pracavali hod, navat u taki niaprosty čas», — skazaŭ Forbes Alaksiej Hubaraŭ, suzasnavalnik vienčurnaj kampanii Palta (eks-Haxus), jakaja vałodała Wanna.
U kamandzie Wanna siońnia kala 80 čałaviek, paśla ździełki jany stali supracoŭnikami Farfetch. U minskim ofisie, pavodle PVT, pracavała bolš za 60 čałaviek. Jašče ŭ 2020 hodzie SIEO kampanii Siarhiej Archanhielski raspaviadaŭ dev.by, što kampanija rełakuje žadajučych. Siońnia, miarkujučy pa Linkedin, supracoŭnikaŭ u Minsku nie zastałosia, jany pracujuć ź Litvy, Polščy, Kipra.
Wannaby zapuścili ŭ 2017 hodzie Juryj i Alaksiej Mielnički. Startap zajmajecca raspracoŭkami ŭ śfiery AR-commerce — «šopinhu ŭ dapoŭnienaj realnaści». Hałoŭnyja pradukty —prykładańni dla virtualnaj prymierki kaśmietyki (Wanna Nails) i krasovak (Wanna Kicks). Uviesnu 2018 hoda pryciahnuŭ 2 młn dalaraŭ inviestycyj ad Bulba Ventures i Haxus. U 2020 Bulba Ventures i Haxus abmianialisia dolami ŭ dvuch startapach —OneSoil i Wannaby. Partniory inviestfonda Juryj Mielničak i Andrej Aŭsijevič pierastali być akcyjanierami TAA «Vonabaj», asnoŭnym ułaśnikam staŭ Haxus.
Farfetch — anłajn-markietplejs dla prodažu adzieńnia, abutku, aksiesuaraŭ premium-brendaŭ pa ŭsim śviecie. Płatforma ŭžo vykarystoŭvaje technałohii Wanna ŭ takich katehoryjach, jak krasoŭki, aksesuary, kaśmietyka.
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury5
Kamientary