Plusy haleńnia ŭ tym, što jano nie balučaje i nie zajmaje šmat času, ale treba pamiatać: haleńnie moža vyklikać surjoznyja prablemy sa skuraj.
Šmat žančyn ličać nieabchodnym vydalać vałasy na ciele, u tym liku na nahach. Spačatku dla hetaha vykarystoŭvalisia brytvy, krychu paźniej źjavilisia epilatary, a ciapier usio bolšuju papularnaść nabyvaje łaziernaja epilacyja.
U vypadku z brytvami i epilatarami praceduru treba paŭtarać u siarednim kožnyja 1—3 tydni. Bolšaść ludziej dobra jaje pieranosiać, ale na dalikatnaj skury moža ŭźniknuć razdražnieńnie.
Bolš za toje, jość pacyjenty, schilnyja da ŭrastańnia vałasoŭ i ŭ niekatorych vypadkach navat da zapaleńnia vałasianych falikułaŭ. U ciažkich vypadkach hety praces moža navat pryvieści da ŭźniknieńnia rubcoŭ na skury.
Kab paźbiehnuć razdražnieńnia, užyvajcie padčas haleńnia śpiecyjalnyja pieny i nikoli, navat kali vielmi śpiašajeciesia, nie prymianiajcie brytvu na suchoj skury.
Paśla haleńnia varta karystacca kaśmietykaj, jakaja ŭvilhatnić vašu skuru i supakoić jaje, a taksama preparatami z kancentracyjaj mačaviny bolšaj, čym 15%. Takaja kaśmietyka miakka abłuščvaje epidermis i pieraduchilaje ŭrastańnie vałos.
Kali ž padčas haleńnia vy parezalisia, pradezinfikujcie ranu. Vielmi važna heta zrabić, bo praz ranu ŭ arhanizm mohuć trapić bakteryi, zdolnyja vyklikać niebiaśpiečnyja zapalenčyja pracesy ŭ skury.
Byvaje, što navat naležny dohlad nie dapamahaje suprać razdražnieńnia skury ci ŭrastańnia vałasoŭ. U takim vypadku ekśpierty rekamiendujuć łaziernuju epilacyju — jana nadziejna i nadoŭha pazbaŭlaje ad lišnich vałaskoŭ.
Ale ž padrychtujcie svaje hrošy: łaziernaja epilacyja kaštuje našmat daražej, čym zvyčajnaja brytva, i dla efiektyŭnaści treba prajści kurs ź niekalkich sieansaŭ.
Čytajcie taksama: Pieršaja rekłama srodkaŭ dla haleńnia, dzie demanstrujucca sapraŭdnyja vałasy na žanočym ciele, vyklikała ŭ internaŭtaŭ hamu emocyj
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary