Pa isku prakuratury horada Minska z Eduarda Palčysa sudom pastanoŭlena spahnać zvyš 575 tysiač rubloŭ škody, naniesienaj dziaržaŭnym pradpryjemstvam, paviedamlaje Hienprakuratura.
Prakuratura Zavodskaha rajona Minska padtrymała pazoŭnyja patrabavańni prakuratury horada Minska ŭ intaresach UP «Minskturyst», KTUP «Minsktrans», DVA «Harramaŭtadar Minharvykankama», AKUP «Śpieckamunaŭtatrans «i PKUP «Minskzielenbud» da E.Palčysa ab spahnańni majomasnaj škody, naniesienaj złačynstvami.
Paviedamlajecca, što ŭ vyniku jaho supraćpraŭnych dziejańniaŭ dziaržaŭnym pradpryjemstvam naniesiena majomasny škodu, što vyjaviłasia ŭ paškodžańni majomaści; vydatkach na vykanańnie rabot pa likvidacyi nastupstvaŭ masavych biesparadkaŭ; pryčynieńni strat u vyhladzie niedaatrymanych dachodaŭ ad prypynku ruchu haradskoha pasažyrskaha transpartu.
Błohier Eduard Palčys byŭ zatrymany ŭ kancy vieraśnia 2020 hoda i asudžany ŭ śniežni 2021 hoda na 13 hadoŭ kałonii. Jaho abvinavacili pa čatyroch artykułach Kryminalnaha kodeksa:
Art. 130 (naŭmysnyja dziejańni, nakiravanyja na raspalvańnie inšaj sacyjalnaj varožaści i varožaści pa prykmiecie inšaj sacyjalnaj prynaležnaści, učynienyja hrupaj asob, jakija pryviali da inšych ciažkich nastupstvaŭ); art. 293 (arhanizacyja masavych biesparadkaŭ); art. 342 (arhanizacyja dziejańniaŭ, jakija hruba parušajuć hramadski paradak); art. 361 (zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś)
Kali Eduard byŭ u źniavoleńni ŭ jaho naradziłasia dačka.
SIZA-2, 210026, h. Viciebsk, vuł. Haharyna, 2., Palčysu Eduardu.
Što z hrašyma, jakija Minsktrans patrabuje z pratestoŭcaŭ za pierakryćcio ruchu? Hiendyrektar daŭ łakaničny adkaz
Ciapier čytajuć
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary