U Łazanskim univiersitecie dahetul hanarovym doktaram Musalini. I pazbaŭlacca jaho nie chočuć
Łazanski ŭniviersitet u Šviejcaryi admoviŭsia pazbaŭlać byłoha dyktatara Italii Bienita Musalini zvańnia hanarovaha doktara, choć i pryznaŭ, što jaho prysudžeńnie bolš za 80 hadoŭ tamu było «surjoznaj pamyłkaj». Pra heta piša Reuters.
Hrupa ekśpiertaŭ, jakaja razhladała situacyju, pryznała, što prysudžeńnie Musalini zvańnia hanarovaha doktara «było surjoznaj pamyłkaj z boku akademičnaha i palityčnaha kiraŭnictva» tahačasnaj Šviejcaryi.
«Heta zvańnie źjaŭlajecca lehitymizacyjaj kryminalnaha režymu i jaho ideałohii», — havorycca ŭ spravazdačy ekśpiertnaj hrupy.
U toj ža čas jana nie rekamiendavała admianiać zvańnie Musalini, pakolki heta mahło b stvaryć falšyvaje ŭražańnie, što pieršapačatkovaje rašeńnie možna «vypravić siońnia».
Łazanski ŭniviersitet, u svaju čarhu, zajaviŭ, što admiena zvańnia hanarovaha doktara dla Musalini mahła b vyklikać abureńnie z-za taho, što ŭstanova sprabuje ścierci svajo falšyvaje minułaje.
«Zamiest taho kab admaŭlać abo ścirać hety epizod, jaki źjaŭlajecca častkaj historyi, kiraŭnictva Łazanskaha ŭniviersiteta choča, kab jon słužyŭ pastajannym papiaredžańniem», — havorycca ŭ zajavie navučalnaj ustanovy.
Bienita Musalini ličycca zasnavalnikam fašyzmu — tatalitarnaj ideałohii, na jakoj zasnoŭvałasia palityčnaja sistema Italii ŭ 1920-1940-ch hadach. U bijahrafii Musalini byŭ šviejcarski epizod — jon žyŭ u hetaj krainie z 1902 pa 1904 hod. Zvańnie hanarovaha doktara Łazanski ŭniviersitet prysvoiŭ jamu za «stvareńnie i ŭvasableńnie na radzimie sacyjalnaj arhanizacyi… jakaja pakinie hłyboki śled u historyi».
-
Rabočyja ŭ Pieru znajšli na budoŭli mumii chłopčyka i žančyny, jakija pralažali ŭ ziamli kala tysiačy hadoŭ
-
U pavodcy ŭ Techasie, što nakryła dziciačy letnik, zahinuli najmieniej 51 čałaviek, 27 dziaŭčynak prapali bieź viestak
-
U Krasnadarskim krai žorstkuju pasadku zrabiŭ samalot DTSAAF z parašutystami
Ciapier čytajuć
Łukašenku na śviacie ŭ Aleksandryi supravadžała aficer Zajcava20
Kamientary