Pahladzieli, jak biełarusy ratujucca ad śpioki na aziorach FOTY
Na apošnim tydni słupok termomietra časta trymaŭsia la adznaki 30 hradusaŭ. Nie dziva, što biełarusy śpiašajucca ratavacca ad takoj śpioki la vady. Pahladzieli, što zaraz adbyvajecca na bierahach samych viadomych azior.
Narač
Najvialikšaje biełaruskaje voziera tradycyjna karystajecca papularnaściu ŭ turystaŭ. Narač ceniać za čystuju i prazrystuju vadu, a praź vialikija pamiery časam navat nazyvajuć «Biełaruskim moram». U voziery žyvie bolš za 25 vidaŭ ryby, tak što zaciatym rybakam taksama jość čym tut zaniacca.
Brasłaŭskija aziory
U adroźnieńnie ad Naračy, na Brasłaŭskija aziory bolš jeduć pa aktyŭny adpačynak. Tut papularnyja adpačynak u pałatkach i viełašpacyry, tym bolš što viełaprakat na Brasłavach dobra raźvity. Za hadzinu jazdy, kala Mioraŭ, jość jašče dźvie cikavinki: bałota Jelnia i vadaspad na race Viata (adziny ŭ Biełarusi).
Śviciaź
Pałatki na bierazie hetaha voziera nie staviać, bo zapaviednaja zona, zatoje za paru kiłamietraŭ ad Śviciazi jość abstalavanyja kiempinhi z usim nieabchodnym. Tut možna adpačyć na dvuch vialikich plažach i źbirać jahady ŭ reliktavym dubova-hrabava-sasnovym lesie.
Lepielskaje voziera
Heta adno z samych hłybokich biełaruskich azior. Jaho bierahi duža zrezanyja, tamu pry svajoj małoj płoščy Lepielskaje voziera zajmaje treciuju pazicyju siarod biełaruskich azior z samaj doŭhaj bierahavoj linijaj. Na jaho bierazie staić horad Lepiel, dzie varta pabačyć kaścioł Śviatoha Kazimira, pabudavany ŭ druhoj pałovie 19 stahodździa, i šerah inšych budynkaŭ taho pieryjadu.
«Naša Niva» — bastyjon biełaruščyny
PADTRYMAĆAdpačynak na Brasłaŭskich aziorach. Kolki ŭ hetym siezonie kaštuje źniać pakoj, dom ci zaniać miesca na turstajancy
Kolki kaštuje adpačynak na Naračy i Błakitnych aziorach
Ciapier čytajuć
Zahinuŭ biełaruski dobraachvotnik Vasil «Dzir» Rapicki2
Kamientary