U «Łade» aryštavanyja rachunki, mohuć płacić tolki padatki i zarobki
Jak stała viadoma «Našaj Nivie», praciahvajucca biazradasnyja pryhody miedycynskaha biznesu «Łade». Nieŭzabavie paśla taho, jak centru dazvolili rabotu, rachunki akazalisia zabłakavanyja DFRam. U dadatak, u centr pryjšła pravierka kamiteta pa pracy Minharvykankama.
Pra taki stan rečaŭ «Našaj Nivie» paviedamili niekalki krynic.
Zasnavalnik «Łade» Uładzimir Harbačoŭ nie staŭ kamientavać hetuju infarmacyju.
Nakat na miedcentr z boku łukašenkaŭcaŭ adbyŭsia ŭ mai. Udzielniki rynku źviazvali heta z tym, što «dajšła čarha» za prajaŭlenuju ŭ žniŭni 2020-ha pazicyju — tady centr akazvaŭ biaspłatnuju dapamohu paciarpiełym ad źvierstvaŭ.
Čytajcie taksama: «Łade» kašmarać za 2020-y. Vychavaŭčy rekiet, vystavili štraf
Ministr achovy zdaroŭja Dźmitryj Pinievič pieraličvaŭ śmiešnyja fakty, jakija pasłužyli pryčynaj prypynieńnia licenzii: «nievykanańnie pratakołaŭ padčas akazańnia nieadkładnaj mieddapamohi — heta rabota na abstalavańni, jakoje nie zarehistravanaje abo jakoje nie prajšło nieabchodnyja rehłamienty. Vyjaŭlenyja parušeńni sanepidrežymu, jakija mohuć paciahnuć surjoznyja ŭskładnieńni abo pahrozu žyćciu», — kazaŭ Pinievič.
Rabotniki miedycynskaj śfiery ŭ kamientary «Našaj Nivy» kpili ź Pinieviča: «Kali ŭ «Łade» vyjaŭleny «parušeńni sanepidrežymu», to, kab być paśladoŭnym, Pinieviču treba zakryć i ŭsie biez vyklučeńnia dziaržaŭnyja palikliniki».
Paśla najezdu ŭłaśnik šukaŭ, kamu pradać miedycynski centr, ale nie znajšoŭ kupca ŭ Biełarusi. Z vystaŭlenym štrafam miljon rubloŭ, miarkujučy pa ŭsim, raźličylisia, ale za šyrmaj zastajucca nieviadomyja dahetul detali historyi, jakija pasłužyli pryčynaj błakavańnia rachunkaŭ.
Hałoŭnaje nastupstva błakavańnia — niemahčymaść dla bieniefiecyjara vyvodzić prybytak. Vypłačvać zarobki i padatki — mahčyma.
Ciapier čytajuć
«My nie viedali Siarhieja Cichanoŭskaha da siońniašniaj pres-kanfierencyi»17
Kamientary