BiełTA nie napisała ni słova ab pryjeździe Pušylina ŭ Brest. A sustrecca ź im pasłali čynoŭnikaŭ nižejšaha ranhu
Kiraŭnik samaabvieščanaj «DNR» Dzianis Pušylin, jaki siońnia byŭ niečakana zaŭvažany ŭ Bresckaj krepaści, napisaŭ u svaim telehram-kanale pra svaje biełaruskija sustrečy.
Pavodle Pušylina, u Breście jany «razam z namieśnikam staršyni Bresckaha abłvykankama Dźmitryjem Haradzieckim, staršynioj haradskoha Savieta deputataŭ Mikałajem Krasoŭskim i kiraŭnikom rehijanalnaj arhanizacyi «Biełaja Ruś» Alaksandram Bachanovičam abmierkavali pierśpiektyvy ŭzajemadziejańnia Bresckaj vobłaści i Danieckaj Narodnaj Respubliki».
Źviartaje na siabie ŭvahu nizki ŭzrovień pušylinskich kantaktaŭ. Ź im nie paličyŭ patrebnym sustrecca navat staršynia Bresckaha abłvykankama, nie kažučy pra kaho-niebudź vysokapastaŭlenaha ź Minska.
Druhoje, što źviartaje na siabie ŭvahu — pra pryjezd Pušylina paviedamlaje tolki jon sam, a biełaruskija dziaržaŭnyja ŚMI prosta maŭčać. Praŭładnaje ahienctva BiełTA, jakoje zvyčajna pryjezd luboha rasijskaha hubiernatara padrabiazna absmoktvaje i biaskonca cytuje lubyja vykazvańni hościa z uschodu, pra Pušylina siońnia nie zhadała anivodnym słovam. Anałahična zrabili i bresckija rehijanalnyja praŭładnyja rupary. Nie napisali pra sustreču z Pušylinym i na sajcie Bresckaha abłvykankama — tam siońnia tolki «čiestvovali łučšich vypusknikov škoł, połučivšich 100 bałłov na CT».
Vielmi padobna na toje, što vizit Pušylina byŭ zrobleny suprać žadańnia Łukašenki i źjaŭlajecca elemientam niejkaj hulni z boku Maskvy.
-
U Polščy pačaŭsia sud nad bandaj padpalščykaŭ i handlaroŭ zbrojaj, jakich najmali rasijskija śpiecsłužby. Siarod abvinavačanych troje biełarusaŭ
-
U AAN zarehistravali skarhu byłoj palitźniavolenaj Łarysy Ščyrakovaj na prymusovuju departacyju ź Biełarusi
-
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje19
Kamientary
Ardło ŭ vyhladzie biełłuhandonii. Simvalična, fašyst ruskaha śvietu pušylin, pryjechaŭ
da svajho idejnaha adnadumca łukašenki.
Im jość ab čym pahavaryć, asabliva ŭ spravie abmiena vopytu pa padvałach, katavańniach,
teroru, represijach.
Nažal, ale, sučasny ruski śviet jon taki.
Budu mocna rahatać, kali na žoŭtych źlivach i pułach pieršaha, pačnuć raskazvać pra
navukovyja, technałahičnyja, ekanamičnyja praryvy ŭ biezzakońni i ŭ pieraličanych vyšej,
sumiesnych dasiahnieńniach uskaha śvietu i łukašenki ŭ pucinskich łuhandonijach.
Samastojnaść łukašenki, jak ŭ ruskaha karabiela z admoŭnaj płavučaściu, kali puščaje
fašystaŭ ruskaha śvietu da pomnika tym, chto sapraŭdy zmahaŭsia z fašyzmam.
Apahanili sučasnym, ruskim, fašystoŭskim śvietam pomnik antyfašystam.
No, takova sud́ba u nielehitimnoho samozvanca, siłoj zachvativšieho vłasť i siłoj jejo udierživajuŝuju, nachodiaŝiehosia v karmanie kołody kart šulera s familijej putin.