Na biełaruska-polskaj hranicy zaŭvažyli biłbord z vyjavaj Emila Čečki. Da jaho ŭžo robiać pilihrymki nastupniki
Na biłbordzie napisana: «Maju čystaje sumleńnie, a ty?»
Jość adzin niuans, jaki na biłbordzie nie adlustravany: polski deziercir paviesiŭsia — prynamsi, dziaržaŭnyja orhany traktujuć heta mienavita tak, — praź niekalki miesiacaŭ paśla taho, jak źjaviŭsia ŭ Biełarusi.
Taksama na vyjavie jość spasyłka na psieŭdapravaabarončuju inicyjatyvu łukašenkaŭca Dźmitryja Bielakova, aktyvistam jakoj byŭ pierad śmierciu Čečka.
Prapahandysckaje rasijskaje ŚMI «Sputnik» paviedamlaje, što vałancioram «Sistemnaj pravaabarony» Dźmitryja Bielakova staŭ i paśladoŭnik Čečki — prarasijski polski aktyvist Marcin Mikałajek, jaki ŭ červieni paprasiŭ u Biełarusi palityčnaha prytułku.
Dniami Mikałajek byŭ u Bresckaj krepaści. Razam ź Dźmitryjem Bielakovym jon pabyvaŭ kala hetaha biłborda i zapisaŭ videa, u jakim raskazvaje pra žachi prapahandy ŭ Polščy. Taksama jon asudziŭ palakaŭ za toje, što jany nie šanujuć Čečku jak hieroja.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary