Alaksandr Vusik abaraniŭ status čempijona śvietu ŭ supierciažkaj vazie
Ukrainski spartsmien Alaksandr Vusik staŭ pieršym u historyi baksioram-uładalnikam pojasa the Ring u dźviuch vahach, a taksama abaraniŭ tytuły IBF, IBO, WBA i WBO.
Ukrainiec Alaksandr Vusik, jaki vałodaje tytułami WBA Super, IBF, WBO i IBO ŭ supierciažkaj vazie, abaraniŭ usie svaje čempijonskija pajasy ŭ bai-revanšy z eks-čempijonam śvietu anhličaninam Entani Džošua.
Baksiorski pajadynak z 12 raundaŭ adbyŭsia ŭ noč na niadzielu ŭ horadzie Džyda ŭ Saudaŭskaj Aravii na arenie King Abdullah Sports City.
U cełym boj-revanš prachodziŭ na roŭnych z uzajemnymi šancami na pośpiech.
Vusik atrymaŭ pieramohu raździelnym rašeńniem sudździaŭ. Pavodle padlikaŭ ukrainskaha sudździ, pieramahčy pavinien byŭ Džošua, ale brytanski arbitr addaŭ pieramohu Vusiku.
Ciapier u aktyvie ŭkrainskaha baksiora 20 pieramoh, ź ich 13 — nakaŭtam, i nivodnaj parazy.
ŚMI paviedamlali, što matč pryniasie baksioram 80 młn dalaraŭ, jakija jany padzielać papałam.
Bukmiekiery ličyli favarytam boju Alaksandra Vusika — pierad pačatkam boju staŭki na jaho pieramohu prymalisia z kaeficyjentam 1,57, a na pieramohu Džošua — z kaeficyjentam 3,1.
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary