Украінскі спартсмен Аляксандр Вусік стаў першым у гісторыі баксёрам-уладальнікам пояса the Ring у дзвюх вагах, а таксама абараніў тытулы IBF, IBO, WBA і WBO.
Украінец Аляксандр Вусік, які валодае тытуламі WBA Super, IBF, WBO і IBO ў суперцяжкай вазе, абараніў усе свае чэмпіёнскія паясы ў баі-рэваншы з экс-чэмпіёнам свету англічанінам Энтані Джошуа.
Баксёрскі паядынак з 12 раундаў адбыўся ў ноч на нядзелю ў горадзе Джыда ў Саудаўскай Аравіі на арэне King Abdullah Sports City.
У цэлым бой-рэванш праходзіў на роўных з узаемнымі шанцамі на поспех.
Вусік атрымаў перамогу раздзельным рашэннем суддзяў. Паводле падлікаў украінскага суддзі, перамагчы павінен быў Джошуа, але брытанскі арбітр аддаў перамогу Вусіку.
Цяпер у актыве ўкраінскага баксёра 20 перамог, з іх 13 — накаўтам, і ніводнай паразы.
СМІ паведамлялі, што матч прынясе баксёрам 80 млн даляраў, якія яны падзеляць папалам.
Букмекеры лічылі фаварытам бою Аляксандра Вусіка — перад пачаткам бою стаўкі на яго перамогу прымаліся з каэфіцыентам 1,57, а на перамогу Джошуа — з каэфіцыентам 3,1.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос4
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары