Łukašenka škaduje, što na refierendum nie vysunuli ideju abrańnia prezidenta praz «Usiebiełaruski narodny schod», bo vybary «razhojdvajuć situacyju»
Alaksandr Łukašenka ličyć, što pry pryniaćci abnoŭlenaj Kanstytucyi darma nie ryzyknuli prapanavać vyznačyć paradak, pry jakim orhany ŭłady, i asabliva prezident, abiralisia b na Usiebiełaruskim narodnym schodzie.
Pra heta palityk zajaviŭ na naradzie pa temie raźvićcia hramadzianskaj supolnaści, pracy partyj i hramadskich abjadnańniaŭ, paviedamlaje BiełTA.
«Ja ŭsio bolš prychodžu da taho, ad čaho adyšoŭ u momant pryniaćcia Kanstytucyi. Ja vyvučaŭ sistemu partyjnaha budaŭnictva i vybarnych orhanaŭ pa ŭsim śviecie. My darma nie ryzyknuli prapanavać ludziam abirać orhany ŭłady, asabliva prezidenta, na Usiebiełaruskim narodnym schodzie», — skazaŭ Łukašenka
Jon adznačyŭ, što vybary prezidenta ŭ toj ci inšaj stupieni razhojdvajuć situacyju, i ŭ šerahu krain isnuje inšaja sistema. Naprykład, u Kitai, dzie kiraŭnik krainy abirajecca na Usiekitajskim schodzie narodnych pradstaŭnikoŭ (USNP).
«Usio ž taki palityka i partyjnaja dziejnaść i inšaje — heta taksama prafiesijnaja praca», — adznačyŭ Alaksandr Łukašenka.
U svaju čarhu, UVNS jakraz i składajecca z «prafiesijanałaŭ», pradstaŭlaje saboj zrez usiaho hramadstva, u toj čas jak daloka nie ŭsie ź miljonaŭ vybarščykaŭ mohuć być sapraŭdy pahružanyja va ŭsie pracesy.
«I voś uvieś zrez hramadstva prafiesijny, palityčny byŭ by na Usiebiełaruskim narodnym schodzie. Abrali prezidenta. Paŭnamoctvami lubymi možam nadzialić. Što, siońnia abrany Si Czińpin na USNP nie maje paŭnamoctvaŭ? Dy bolš, čym ja i Pucin razam uziatyja. Tamu voś heta my dzieści prajavili słabaść (što nie prapanavali takuju normu ŭ Kanstytucyju)», — skazaŭ Łukašenka.
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?4
Kamientary
Alaksandr I, Mikałaj I i tak dalej kaho tam adoleje naradzić małodšy. Dynastyja užo vialikaja