«Nasustrač śvitanku». Pahladzicie, jaki murał zrabili ŭ Hrodnie FOTY
Art-prajekt «Tradycyi dziela budučyni», prymierkavany da 100-hodździa Biełarusbanka, papoŭniŭsia jašče adnym tvoram — mastackim rośpisam 9-paviarchovaha žyłoha doma ŭ Hrodnie na bulvary Leninskaha kamsamoła, 29. Vyšynia malunka — 30 m.
U centry manumientalnaj karciny — kavałak burštynu ŭ ruce viełasipiedysta.
Niekatoryja daśledčyki ličać, što ŭ staražytnaści praz Hrodna taksama prachodziŭ handlovy «Burštynavy šlach». A handal pa Niomanie zaŭsiody byŭ aryjentavany na Bałtyjskaje mora, jakoje asacyjujecca z burštynam.
Detali hadzińnikavaha miechanizmu, zachavanyja ŭ burštynie, — adsyłka da samaha staradaŭniaha hadzińnikavaha miechanizmu ŭ Jeŭropie — haradskoha hadzińnika kaścioła Śviatoha Franciška Ksavieryja ŭ Hrodnie. Jamu ŭžo bolš za 5 stahodździaŭ.
Viełasipiedyst — simvał sučasnaj haradskoj kultury.
U miežach prajekta «Tradycyi dziela budučyni» bank razam z supolnaściu stryt-art-mastakoŭ raśpisvaje vyšynnyja damy ŭ biełaruskich haradach. Nastupnym horadam, dzie źjavicca rośpis, budzie Salihorsk.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary