U Minsku łukašysty zmusili budaŭnika ŭ naručnikach nieści z saboj dźviery ad chaładzilnika
Na hałavu zatrymanamu nadzieli kasku, na jakuju nalapili Pahoniu. U vinu jamu staviać anarchisckija i pankaŭskija pohlady. Zatrymanaha zvać Viktar Žarkievič, jon viadomy taksama jak muzyka pank-hurtoŭ.
Na videa siłavikoŭ minčuk Viktar Žarkievič trymaje ŭ rukach dźviery ad chaładzilnika, zaleplenyja pratesnymi stykierami — z bčb-ściahami i z anarchisckimi łozunhami. Na hałavu mužčyny apranutaja čyrvonaja kaska z Pahoniaj, ruki — u kajdankach. Dźviery chaładzilnika mužčynu zmusili samoha ciahnuć da adździaleńnia.
Kanvoj na karotkim videa apranuty ŭ spartyŭnyja kaściumy, kiepki, a tvary schavaŭ pad maskami, z-pad jakich vidać tolki vočy i nos. Stvarajecca ŭražańnie, što kanvoj sam saromiejecca svajoj roli ŭ hetym.
Viktaru «Mao» Žarkieviču 49 hadoŭ, i jon viadomy jak adzin z najstarejšych biełaruskich pankaŭ. Jon zachapiŭsia pank-rokam na styku 80-ch i 90-ch, a ŭ pačatku 90-ch pajechaŭ u Hiermaniju i žyŭ tam na pankaŭskim skvocie.
Paśla viartańnia ŭ Minsk «Mao» staŭ adnym z zasnavalnikaŭ i vakalistam viadomaha siarod pank-ruchu hurta Hate to State, jaki zasnavali ŭ 1997 hodzie.
Heta adzin ź pieršych minskich palityzavanych pank-hurtoŭ, jaki da taho ž hraŭ u styli «krast-pank» (sumieś kłasičnaha chardkora ź mietałam i inšymi stylami). Hurt praisnavaŭ da 2000 hoda, a apošni kancert jany hrali razam z hurtom «Pravakacyja», u jakim byŭ vakalistam Alhierd Bacharevič.
Viktar pracavaŭ na «prostych» pracach — u asnoŭnym, raznarabočym i budaŭnikom. Imavierna, adtul i jahonaja kaska, jakuju siłaviki zmusili apranuć na hałavu.
U łukašysckich kanałach mužčynu šabłonna abvinavačvajuć u krytyčnych vykazvańniach u internecie, a taksama ŭ anarchisckich pohladach.
Pišuć, što muzyku źmiaścili ŭ izalatar časovaha ŭtrymańnia.
Čytajcie jašče:
U Navapołacku na školnaj liniejcy padčas vystupu padletkaŭ u vajskovaj formie dziaŭčyna praviała antyvajennuju akcyju. Jaje zatrymali
Prakuror zaprasiŭ pa spravie pravaabaroncy Marfy Rabkovaj i jašče 9 palitviaźniaŭ 94 hady na ŭsich
10-hadovaja dačka zatrymanaj Natalli Karniejevaj pa-raniejšamu znachodzicca ŭ prytułku
Ciapier čytajuć
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi55
Kamientary
Chto saromieŭsia - toj užo ŭ 2020 zvolniŭsia