Rasija paluje na estonskaha vajennaha robata THeMIS. Tłumačym, u čym jaho ŭnikalnaść
Za zachop hetaha estonskaha robata abiacajuć uznaharodu ŭ 1 młn rasijskich rubloŭ (kala 16 tysiač jeŭra). Takim čynam rasijanie chočuć atrymać dostup da sučasnych vajennych technałohij.
«U suviazi z tym, što hetaja pryłada źjaŭlajecca technična vielmi cikavaj, Centr analizu stratehij i technałohij abjaŭlaje ab uznaharodzie 1 miljon rubloŭ lubomu vajskoŭcu abo słužboŭcu siłavych struktur, abo hrupie takich asob, jakija zachopiać va Ukrainie płatformu THeMIS u bolš ci mienš cełym stanie i pieradaduć jaje ŭ rasparadžeńnie Ministerstva abarony Rasii», — paviedamlajecca ŭ Telegram-kanale rasijskaha centra.
Bajavych robataŭ THeMIS raspracavała estonskaja kampanija Milrem Robotics. Upieršyniu jany byli pradstaŭlenyja ŭ 2015 hodzie. Estonski robat — heta nievialikaja modulnaja mašyna z husieničnym šasi. U jaje kanstrukcyi vykarystoŭvajecca hibrydny pryvad, jaki składajecca z ruchavikoŭ unutranaha zharańnia i elektraruchavikoŭ. Dziakujučy takomu rašeńniu, mašyna moža ruchacca da 12 hadzin z chutkaściu 20 km/h.
THeMIS pracuje dystancyjna pad kiravańniem apierataraŭ. Kanstrukcyja zdolnaja pieravozić hruzy ahulnaj vahoj da 1200 kh. Robat maje prastoru pamiž husienicami, na jakoj moža transpartavacca paranieny sałdat ci roznyja vidy śpiectechniki, hruzy albo bojeprypasy. Tudy ž apcyjanalna moža prymacoŭvacca ŭstanoŭka sa zbrojaj (kulamiot, małakalibiernaja harmata i inšaje) dla dystancyjnaha padaŭleńnia ahniavych punktaŭ. Mašyna zdolnaja pracavać na adlehłaści da 1,5 km ad apieratara. Nievialikija pamiery robata (115 sm u vyšyniu i 240 sm u daŭžyniu) značna ŭskładniajuć jaho vyjaŭleńnie praciŭnikam.
Niahledziačy na toje, što THeMIS kirujecca ŭručnuju apierataram, jon moža, pry nieabchodnaści, samastojna ruchacca za peŭnaj asobaj abo znachodzić darohu na miascovaści.
Hetyja robaty stajać na ŭzbrajeńni 14 krain, 7 ź jakich źjaŭlajucca členami NATA, uklučajučy Estoniju, Hiermaniju, Niderłandy, Narviehiju, Ispaniju, Vialikabrytaniju i ZŠA.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary