Zdajecca, ničoha ciažkaha ŭ hetym niama, tak ža? Ale i takuju prostuju stravu možna zrabić smačniejšaj.
Kali hatuješ rys, pieršaje važnaje pytańnie — ci treba jaho pramyvać. Adkaz zaležyć ad situacyi: kali vam treba lohkaje i druzłaje ziernie, lepš nie prapuskać hety krok. Ale kali vam chočacca, kab rys mieŭ hustuju kansistencyju, možna nie pramyvać jaho pierad varkaj, tłumačyć onet.pl.
Jašče adna prostaja parada: pierad tym, jak zalivać rys vadoj, pasalicie jaho. Spačatku vysypajem u rondal rys, potym sol, a potym zalivajem vadu, dziakujučy hetamu smak soli bolš raŭnamierna raspaŭsiudzicca pa ŭsim zierniu.
Ekśpierty ličać, što kali rys varycca, nie varta jaho pieramiešvać. Treba zrabić heta tolki adzin raz i ŭ samym pačatku hatavańnia, potym nakryjcie rondal viečkam i pakińcie rys varycca. Kali krupy ŭciahnuć usiu vadu, jany buduć hatovyja. Možna zrabić smak rysu bolš ekzatyčnym — dla hetaha prosta varycie rys nie ŭ vadzie, a ŭ kakosavym małace.
Šmat ludziej vybirajuć rys z punktu hledžańnia jaho karyści, i tamu spyniajucca na karyčnievym rysie, bo jaho ličać bolš zdarovym. Nasamreč, bieły rys pa niekatorych paramietrach navat bolš karysny, čym karyčnievy: naprykład, u biełym rysie mienš klatčatki, čym u burym, a zašmat klatčatki moža pryvieści da zaporaŭ i mietearyzmu. Ale bieły rys maje bolš vysoki hlikiemičny indeks, tamu ludziam ź niestabilnym ci vysokim uzroŭniem cukru ŭ kryvi treba jeści jaho razam z praduktami, bahatymi na białki, tłuščy i klatčatku, bo jany źnižajuć hety pakazčyk.
Hetuju pamyłku časta robiać, kali hatujuć stravy z časnakom
Recept na vychadnyja. Anhlijskija aładki piklety — novy varyjant smačnaha śniadanka
Čym najlepš zapivać pončyki, kab nie nabrać vahu? Tolki nie kavaj
Ciapier čytajuć
Bližejšym časam buduć vyzvaleny bolš za 150 palitźniavolenych6
Kamientary
polski sajt... heta Satan parekamiendavaŭ?
a ja, darečy, pravodžu adzin nievialički ekśpierymient - 2 hady lažać polskija jabłyki i nie psujucca. heta narmalna? budu dalej nazirać.
možna nie pramyvać, kažacie chaziajušok, pierad varkaj? a voś maje ekśpierty rajać nie prosta pramyvać, a doŭha mačyć. a lepš uvohule rys nie ŭžyvać ci ŭžyvać jak maha radziej. bo ŭ kitajskim rysie, maŭlaŭ, duža šmat chimii