Recept na vychadnyja. Anhlijskija aładki piklety — novy varyjant smačnaha śniadanka
Piklety — niešta siaredniaje pamiž aładkami, bułačkami i amierykanskimi pankiejkami. Padavajcie ich na śniadanak z vareńniem, masłam, sałodkimi siropami i sadavinoj, kab atrymać cudoŭny pačatak dnia.
Fota: BBC Food
Kab pryhatavać piklety, vam spatrebicca:
- 250 hramaŭ muki
- 1 čajnaja łyžka suchich droždžaŭ chutkaha dziejańnia
- 1 čajnaja łyžka cukrovaj pudry
- pałova čajnaj łyžki soli
- 325 mililitraŭ małaka z 1,5% tłušču
- čajnaja łyžka masła
- čajnaja łyžka aleju
- Źmiašajcie ŭ miscy muku, droždžy, cukrovuju pudru i sol, pieramiašajcie da adnarodnaści i zrabicie ŭ centry łunku.
- Nahrejcie małako ŭ mikrachvaloŭcy ci ŭ rondali na słabym ahni, pakul jano nie stanie ciopłym, ale nie haračym. Ulijcie ciopłaje małako ŭ suchuju sumieś i ŭźbivajcie 1-2 chviliny, pakul sumieś nie stanie adnarodnaj. Ačyścicie baki miski humovaj łapatkaj, nakryjcie ciesta kuchonnym ručnikom i pakińcie pry chatniaj tempieratury na 1-1,5 hadzin abo pakul sumieś nie pavialičycca ŭ pamiery ŭdvaja i nie pakryjecca burbałkami.
- Razahrejcie patelniu na siarednim ahni. Pramažcie jaje dno masłam i alejem, vaźmicie kuchonnuju papieru i prybiarycie z patelni lišni tłušč.
- Vaźmicie vialikuju łyžku i trochi pieramiašajcie sumieś, kab prybrać ź jaje vialikija burbałki. Potym vaźmicie stałovuju łyžku, apuskajcie łyžki sumiesi ŭ patelniu i davajcie im raściakacca da dyjamietra 8 santymietraŭ. U vas pavinna atrymoŭvacca 3-4 aładki za raz. Hatujcie piklety na pavolnym ahni, nie pieravaročvajučy, 3-4 chviliny, abo pakul burbałki na vierchniaj častcy aładki nie łopnuć i nie pakinuć paśla siabie dzirački. Na vierchniaj častcy aładki nie pavinna zastavacca syroje ciesta, a nižni bok aładki pavinien atrymać załacista-karyčnievy koler.
- Pieraviarnicie aładki i smažcie ich ź inšaha boku jašče 1-2 chviliny abo da załacista-karyčnievaha koleru. Źnimicie piklety z patelni i pakińcie ich astyvać.
- Padavajcie piklety ciopłymi, dziračkami ŭvierch, z masłam i vareńniem.
Čytajcie taksama:
Recept na vychadnyja. Hrečaskaja zapiakanka pastycya — zornaja strava mižziemnamorskaj kuchni
Dadajcie hetuju śpiecyju ŭ kavu — i vy zaŭsiody budziecie tak rabić
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva6
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary