«Na pusty straŭnik» — heta kali? Kolki času ježa pravodzić u nas u straŭniku?
Šmatlikija preparaty rekamiendujuć prymać na pusty straŭnik. Zdajecca, usio tut zrazumieła, ale ž nasamreč hetaja parada nie takaja prostaja.
Jašče ŭ 1940-ja hady miedyki pačali vyśviatlać, kolki ž času pavinna prajści paśla pryniaćcia ježy, kab straŭnik apuścieŭ. U 1951 hodzie brytanskija navukoŭcy karmili dobraachvotnikaŭ maleńkimi porcyjami kašycy, a potym vysmoktvali jaje ź ich straŭnikaŭ u rozny čas paśla pryniaćcia ježy. U vyniku atrymałasia vyśvietlić, kolki ŭ siarednim času treba na toje, kab straŭnik apuścieŭ — prykładna 2 hadziny i 15 chvilin, piša New York Times.
U 1966 hodzie inšyja daśledčyki stali vykarystoŭvać radyjeaktyŭnyja rečyvy, kab vymierać chutkaść aparažnieńnia straŭnika. Zhodna z hetymi danymi, straŭnik pavinien być na 90% pusty ŭ siarednim praz 4 hadziny paśla pryjomu ježy. Značnuju roźnicu z papiarednim daśledavańniem možna patłumačyć, imavierna, vykarystańniem roznych praduktaŭ: ćviordyja rečyvy pieravarvajucca daŭžej, čym vadkaści, a tłuščy — daŭžej, čym białki ci vuhlavody.
Z ulikam hetych praviłaŭ, Upraŭleńnie pa sanitarnym nahladzie jakaści charčovych praduktaŭ i miedykamientaŭ (ZŠA) prapanavała rekamiendacyi, što razumieć pad «pustym straŭnikam»: takim jon byvaje za hadzinu da ježy ci praź dźvie hadziny paśla jaje. Varta razumieć heta jak rekamiendacyju, a nie jak fakt, što praź dźvie hadziny paśla ježy ŭ vašym straŭniku jaje nie budzie (viadoma, tam budzie ježa).
Źviartajcie ŭvahu na instrukcyju da kankretnych preparataŭ, bo tam mohuć być bolš detalnyja rekamiendacyi. Varta ŭličvać i indyvidualnyja asablivaści arhanizmu, bo niekatoryja chvaroby mohuć zrabić bolš chutkim ci bolš pavolnym pieratraŭleńnie ježy.
Chočacie ažyvić staroje kachańnie? Chutka dla hetaha chopić niekalkich tabletak
Hastryt: jak paźbiehnuć siezonnaha abvastreńnia
U Vialikabrytanii vypraboŭvajuć kamiery-tabletki dla rańniaj dyjahnostyki raku kišačnika
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki7
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary
budu słuchać chrumst "kaleh"...