U Rasii stvorać novuju akruhu, kudy ŭvojduć aneksavanyja terytoryi. Chto jaje ŭznačalić
U Rasii mohuć stvaryć novuju fiederalnuju akruhu — Krymskuju, u jaje skład uvojduć i sam paŭvostraŭ, i dałučanyja ŭ vyniku refierendumaŭ «ŁNR», «DNR», a taksama akupavanyja Zaparožskaja i Chiersonskaja vobłaści. Miarkujecca, što jaje ŭznačalić Dźmitryj Rahozin.
Uznačalić novaje paŭnamocnaje pradstaŭnictva moža były hiendyrektar «Raskosmasa» Dźmitryj Rahozin, paviedamlajuć «Viedomosti».
Rašeńnie pa Rahozinu budzie pryniata ŭ najbližejšy čas i jano ź vialikaj vierahodnaściu budzie stanoŭčym. Nieabchodnaść stvareńnia novaj fiederalnaj akruhi krynica vydańnia patłumačyła «niaprostaj situacyjaj», jakaja skłałasia vakoł refierendumaŭ ab dałučeńni «novych terytoryj»: a dla kiravańnia imi patrebien palityčny ciažkavahavik.
Inšaja blizkaja da AP krynica tłumačyć mahčymaje pryznačeńnie Rahozina paŭnamocnym pradstaŭnikom Pucina ŭ hetaj fiederalnaj akruzie tak: «tam vialiki front rabot, tak što heta całkam mahčyma». Uličvajučy, što jaho da hetaha času nie pryznačyli na fiederalnuju pasadu, jość vierahodnaść, što jamu znojduć pracu tam, dadała heta krynica.
Rahozin pakinuŭ pasadu kiraŭnika «Raskosmasa» jašče 15 lipienia. U dzień, kali prachodzili kadravyja pierastanoŭki, pres-sakratar prezidenta Dźmitryj Piaskoŭ zajaviŭ, što z časam Rahozin budzie pracaŭładkavany. «My svoječasova pra heta paviedamim, u jaho budzie novaja praca», — kamientavaŭ jon.
Ciapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam24
Kamientary