Biełarusy zapuskajuć škołu videabłohieraŭ. Siarod nastaŭnikaŭ: Miełkazioraŭ, Laŭčuk, Vietrava
Kamanda, jakaja zajmajecca vypuskam šerahu biełaruskich YouTube-kanałaŭ, siarod jakich «Žyćcio — malina», «ČiestnOK» i inšyja, zapuskaje anłajn-škołu dla videabłohieraŭ.
Kurs navučańnia budzie składacca z praktyčnych zaniatkaŭ, a taksama z matyvacyjnaj častki ad zaprošanych zorak biełaruskaha YouTube: Mikity Miełkaziorava («Žyćcio — malina»), Marharyty Laŭčuk (Levchuk Soprano), Kaciaryny Snycinaj («Zierkało»), Jarasłava Pisarenki («ČiestnOK»), Mikity Moniča («Około kultury»), a taksama ad zorak biełaruskaha TikTok Lizy Vietravaj i Mikity Bialeviča.
Škoła budzie biaspłatnaj dla biełarusaŭ i aryjentavanaja jak na tych, chto źjechaŭ z krainy, tak i na tych, chto zastajecca ŭ Biełarusi. Praces navučańnia vybudavany takim čynam, kab heta było biaśpiečna.
Temy navučańnia:
— Jak raskrucić kanał na YouTube z 0 padpisčykaŭ.
— Jak pieramahčy ałharytmy YouTube.
— Jak kupić tannuju techniku dla zdymak, kab nie paciarpieła jakaść.
— Jak zrabić najlepšy scenaryj u śviecie.
— Jak vykarystoŭvać rekłamnyja instrumienty YouTube.
Šeść najlepšych vučniaŭ škoły atrymajuć supravadžeńnie kanałaŭ pa ŭsich napramkach: ad kantentnaha da finansavaha i rekłamnaha. Termin padtrymki — ad troch da šaści miesiacaŭ.
Adnym z arhanizataraŭ škoły vystupaje kiraŭnik Tribuna.com u Biełarusi i Ukrainie Maksim Bierazinski.
«My daŭno raźvivajem biełaruski siehmient YouTube. U nas mocnaja kamanda techničnych i kreatyŭnych śpiecyjalistaŭ, jakija supracoŭničajuć z najlepšymi biełaruskimi kanałami ŭ roznych aśpiektach — ad poŭnaj vytvorčaści da dapamohi ŭ raskrutcy kanałaŭ. My pierakananyja, što dobrych biełaruskich kanałaŭ moža być bolš. I hatovyja dapamahčy im stać na nohi», — kaža Bierazinski.
Zbor zajavak — da 15 kastryčnika. Kurs navučańnia projdzie ŭ kastryčniku — śniežni 2022 hoda. Pieramožcy buduć vyznačanyja da kanca 2022 hoda.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?20
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary