Śviet22

Kampanija, źviazanaja z Šejmanam i Zinhmanam, trapiła ŭ novy skandał z zołatam u Zimbabve

Zołatazdabyŭnuju kampaniju Zim Goldfields abvinavacili ŭ nielehalnaj zdabyčy zołata i inšych karysnych vykapniaŭ na terytoryi viadomaha turystyčnaha kompleksu Mjuzienhana Łodž (Musangano Lodge), piša Reform.by sa spasyłkaj na zimbabvijskaje vydańnie The Standard.

Kompleks naležyć hramadziancy Hiermanii Birhit Klajn Alterkamp (Birgit Klein Alterkamp) i jaje ŭłasnaść abaroniena dvuchbakovym pahadnieńniem ab abaronie i zaachvočvańni inviestycyj (BIPPA).

Biełaruskuju kampaniju Zim GoldFields (ZGF) i kitajskuju Young Tech Engineering (YTE) abvinavačvajuć u raspracoŭcy karysnych vykapniaŭ, u tym liku rassypnoha zołata pobač z turystyčnym kompleksam. Paśla hetaha jany pieranieśli raspracoŭku i na ziamlu, jakaja naležyć niamieckaj hramadziancy. Śćviardžajecca, što heta niehatyŭna paŭpłyvała na turystyčny biznes.

Alterkamp źviarnułasia ŭ Viarchoŭny sud, jaki zabaraniŭ praciahvać zdabyču karysnych vykapniaŭ, adnak ZGF i YTE abskardzili hetaje rašeńnie i praciahnuli raboty.

«U adnym ź listoŭ ZGF i YTE zajavili, što my vusna dali im dazvoł na zdabyču karysnych vykapniaŭ na našaj terytoryi, što źjaŭlajecca chłuśnioj, i my zajavili, što acenka ŭździejańnia na navakolnaje asiarodździe nie pravodziłasia, što źjaŭlajecca patrabavańniem zakanadaŭstva Zimbabve. ZGF i YTE adkazali, što im nie patrebna takaja acenka», — skazała ŭładalnica turystyčnaha kompleksu.

Pa słovach Alterkamp, 8 lipienia 2022 hoda kampanii pačali zdabyču karysnych vykapniaŭ na terytoryi, prylehłaj da turystyčnaha kompleksu z vykarystańniem ciažkaj techniki.

«Šum, jaki vyrablajecca hetaj ciažkaj technikaj, niepakoiŭ haściej Musangano Lodge», — zajaviła jana.

Alterkamp źviarnułasia ŭ sud i 1 vieraśnia Viarchoŭny sud Mutary vydaŭ časovuju zabaronu, jakaja pradpisvała spynić zdabyču. Biełaruskija i kitajskija zołatazdabytčyki apratestavali zabaronu i, nie čakajučy rašeńnia, 6 vieraśnia z padvojenaj siłaj prystupili da rabot, kab paśpieć zdabyć maksimalnuju kolkaść zołata.

Pryvatnaja kampanija Zim Goldfields Pvt Ltd nie ŭpieršyniu traplaje ŭ skandał. U listapadzie 2020 hoda minimum dva harniaki zahinuli ŭ šachcie pa zdabyčy zołata na radoviščy, jakoje naležyć Zim Goldfields.

U kastryčniku 2021 hoda biełaruskija rasśledavalniki atrymali dostup da archiva dakumientaŭ z Pandora Papers i vyśvietlili, što ŭ krasaviku 2018 hoda było zasnavanaje sumiesnaje pradpryjemstva pa zdabyčy zołata Zim Goldfields Pvt Ltd, dzie praź niekalki prakładak Siarhiej Šejman i Alaksandr Zinhman atrymali 70%. U mai 2018 hoda Zim Goldfields Pvt Ltd atrymała hrant na pošuk i zdabyču zołata.

Kamientary2

  • daviedka
    02.10.2022
    I snova ona — frau A
  • daviedka
    02.10.2022
    Šiejman, vidno, zabył, čto on užie davno nie javlajetsia rukovoditielem UDP i turističieskije kompleksy jemu bolšie nie podčiniajutsia, a Zimbabvie choť i takaja žie "bananovaja riespublika", kakoj pri niom stała Biełaruś, no vsio žie eto dvie raznych strany i banditskije poniatija odnoj mohut nie byť avtomatičieski primienimy v druhoj.

Ciapier čytajuć

Stała viadoma pra śmierć 22-hadovaha chłopca, jakoha asudzili pa palityčnaj kryminałcy2

Stała viadoma pra śmierć 22-hadovaha chłopca, jakoha asudzili pa palityčnaj kryminałcy

Usie naviny →
Usie naviny

Palitźniavolenaj Alenie Łazarčyk dadali paŭtara hoda kałonii1

Tramp ciopła pryniaŭ premjera Italii Miełoni. Skazaŭ, što nie vinavacić Zialenskaha ŭ vajnie va Ukrainie

Z urada Sierbii vyklučyli hałoŭnaha prarasijskaha palityka

Tramp čakaje ad Rasii adkazu na prapanovu ab pieramirji «na hetym tydni»5

Deputat-historyk Daniłovič raskazaŭ pra 28 jeŭrapiejskich narodaŭ, jakija pryjšli zachoplivać Biełaruś razam z Hitleram26

Łukašenka daŭ svajoj niaviestcy miedal Francyska Skaryny19

Ź Minska ŭ Hrodna zamiest maršrutak buduć jeździć kitajskija aŭtobusy6

MARH: Bulba ŭ kramach jość, pieražyvać niama čaho4

Kiraŭnikami Stolinskaha i Drahičynskaha rajonaŭ stali rodnyja braty5

bolš čytanych navin
bolš łajkanych navin

Stała viadoma pra śmierć 22-hadovaha chłopca, jakoha asudzili pa palityčnaj kryminałcy2

Stała viadoma pra śmierć 22-hadovaha chłopca, jakoha asudzili pa palityčnaj kryminałcy

Hałoŭnaje
Usie naviny →

Zaŭvaha:

 

 

 

 

Zakryć Paviedamić