Ministerstva antymanapolnaha rehulavańnia i handlu maksimalna surjozna pastaviłasia da niadaŭnich razvah Łukašenki pra «rasčlanionuju kurycu» i pryniało admysłovuju pastanovu, jakoj rehulujucca ceny nie tolki na samu kurycu, ale i na jaje častki.
Ministerstva paviedamiła, što dla papiaredžańnia «nieabhruntavanaha pavyšeńnia cenaŭ na razdiełku tuški kurej i kuraniat-brojleraŭ» pryniataja pastanova ad 7 kastryčnika 2022 hoda № 61 «Ab rehulavańni cenaŭ na miasa kurej, kuraniat-brojleraŭ u vyhladzie častak tuški».
Pastanovaj vyznačana, što pry razdiełcy tušak kurej, kuraniat-brojleraŭ na častki ceny na ich pavinny farmiravacca z ulikam adpusknych cen (cen nabyćcia) na tuški, normaŭ vychadu, kaeficyjentaŭ charčovaj kaštoŭnaści častak tuški.
Pry hetym cana dźviuch paŭtušak, piaredniaj i zadniaj čvertki tuški nie pavinna pieravyšać koštu samoj tuški, a košt inšych častak tuški — koštu tuški, pavialičanaj na 10%.
Na kurynaje file ŭstanoŭlenaja hraničnaja maksimalnaja aptovaja nadbaŭka, handlovaja nadbaŭka (z ulikam aptovaj nadbaŭki) u pamiery 15%.
Pastanova ŭstupaje ŭ siłu paśla jaje aficyjnaha apublikavańnia i dziejničaje 90 dzion.
Raniej na naradzie 6 kastryčnika Alaksandr Łukašenka aburyŭsia tym, što ŭ kramach manipulujuć z cenami. «Rasčlanili dochłuju kurycu, upichnuli ŭ polietylenavy pakiet — novy tavar!» — hnieŭna adčytvaŭ jon čynoŭnikaŭ na kamieru.
Čytajcie taksama:
Što za rasčlanionaja kuryca padsadziła Łukašenku na kania?
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary