Hurt Queen pradstaviŭ nieviadomuju raniej pieśniu, vykananuju Fredzi Mierkjury
Brytanski rok-hurt Queen vypuściŭ raniej zhublenuju pieśniu z vakałam ich pamierłaha salista Fredzi Merk‘jury. Kampazicyja Face It Alone była zapisanaja ŭ 1988 hodzie dla alboma Miracle, ale tak i nie była vypuščanaja.
Pieśniu adkryli nanava, kali kamanda hurta viarnułasia da archiŭnych zapisaŭ, kab pracavać nad budučym pieravydańniem alboma. Premjera pieśni adbyłasia 13 kastryčnika na brytanskim radyjo BBC Radio 2, piša The Times.
Sinhł — pieršaja novaja pieśnia hurta z udziełam Mierkjury, vypuščanaja paśla alboma Queen Forever u 2014 hodzie. Toj dysk uklučaŭ u siabie try treki z udziełam śpievaka, jakija raniej nie hučali: Let Me In Your Heart Again, Love Kills i There Must Be More to Life Than This.
Brajan Mej, 75-hadovy hitaryst hurta, vykazaŭsia pra novuju pieśniu tak: «Ja ščaślivy, što naša kamanda zmahła znajści hety trek. My krychu zabylisia pra hety trek, ale jon nas čakaŭ, hetaja maleńkaja žamčužyna. Heta cudoŭna, sapraŭdnaje adkryćcio. Heta vielmi pałki tvor». Mej taksama skazaŭ, što było «vydatna pačuć nas usich čaćviarych, u tym liku i basista Džona Dzikana, «paśla stolkich hadoŭ».
U nastupnym miesiacy Queen pieravydajuć svoj albom Miracle 1989 hoda. U im prahučali chity I Want It All, Breakthru i The Invisible Man, u svoj čas Miracle byŭ na pieršych miescach u brytanskich čartach.
Apublikavanaja pieśnia Fredzi Merkjury, jakaja ličyłasia stračanaj VIDEA
Ci raźbirajeciesia vy ŭ muzycy? TEST
«Luby artyst, jaki zajmajecca saboj, dachodzić da taho, što varta śpiavać pa-biełarusku» — vialikaja hutarka ź Siarhiejem Budkinym
Ciapier čytajuć
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara36
Kamientary